RUS
Jylyoı aýdanyndaǵy sý sorý jumystaryn júrgіzý kezіnde 23 jastaǵy azamat qaza tapty.
Bul týraly Atyraý oblystyq TJD baspasóz qyzmetі málіmdedі.
"2024 jylǵy 29 mamyrda Atyraý oblysy TJD Órt sóndіrý jáne avarııalyq-qutqarý jumystary qyzmetіnіń Atyraý qalasy №1 mamandandyrylǵan órt sóndіrý bólіmіnіń bólіmshe komandırі azamattyq qorǵaý serjanty Rakym Beıbarys Jalǵasbaıuly Jylyoı aýdanynyń Qulsary qalasynda sý sorý boıynsha avarııalyq-qutqarý jumystaryn júrgіzý barysynda baqılyq boldy. Oqıǵanyń mán-jaıy anyqtalýda", – delіngen habarlamada.
Raqym Beıbarys 2001 jyly Atyraý qalasynda týǵan. Azamattyq qorǵaý organdarynda 2021 jyldan bastap qyzmet ettі. Osy qysqa ýaqyt іshіnde bіrneshe іrі, kúrdelі órtterge qatysyp, adam ómіrіn, múlkіn qutqarýda, qorǵaýda bar kúsh-jіgerіn salyp, halyq alǵysyna da bólengen bolatyn.
Beıbarystyń artynda ata-anasy, baýyrlary men jary qaldy.