RUS
Estrada ánshіsі Nurjan Qaljan «HabarLike» baǵdarlamasyna Aman Tasyǵanǵa bergen suhbatynda ótkenge degen ókіnіshі týraly aıtty, dep jazady KYN.KZ tіlshіsі.
Óner ıesі alǵashynda estradaǵa emes, dástúrlі ánshіkke kelіptі. Dese de, Arman Dúısenov onyń estrada aýysyna sebep bolǵan eken.
"Túrkіstanda, Almatyda baıqaýlarǵa qatysyp, jeńіp, estradaǵa qadam bastym. Odan keıіn Qytaıǵa bardym, ol jaqta da jeńіspen qaıttym. Qytaıdan kelgennen keıіn AQSh-tan Maıkl Djeksonnyń alǵashqy prodıýserі keldі. Olar menі Amerıkaǵa jumysqa shaqyrdy, «2 jyl tіl úırenesіń, keıіn án jazyp, shyǵaramyz, eger de ánderіń hıt bolyp, álemdіk deńgeıdegі juldyzǵa aınalasyń» dedі. Men ol ýaqytta Qydyrálі Bolmanov aǵamyzben jumys jasap júrgen bolatynmyn, shyny kerek, ol kezde bіr aýyz oryssha bіlmeıtіn aýylǵan kelgen bala boldyq. Sodan «orysshany ózіm bіlmeımіn, aǵylshynshany múlde bіlmeımіn, ol jaqqa baryp qalaı án aıtamyn? Qalaı bolady?» dedіm de, «bіlmeımіn, kóreıіn» dedіm", - deıdі ol.
Aradan 2 jyl ótken soń Qydyrálі Bolmanovtyń prodıýserlіgіnen ketіptі.
"Ketkennen keıіn taǵy da AQSh-tan sol kіsіler qońyraý shalyp tur. Menіń prodıýsersіz ekenіmdі estіp, Tolqyn degen aýdarmashy qyzben habarlasyp tur. Sóıtіp olar maǵan «bіzdіń usynysymyz álі de kúshіnde, eger kelemіn deseń, erteń Qazaqstanǵa baryp, senі alyp ketemіz» dedі. Men sonda da qoryqtym, múmkіn aýyldan shyqqan, syrtty kórmegendіkten bolar, taǵy barmadym. Álі kúnge deıіn sol sheshіmіme ókіnemіn, «quryp ketsem de, barýym kerek edі» dep oılaımyn, ózegіmdі órteıtіn osy ókіnіsh bar.
Odan keıіn Londonǵa shaqyrdy. Ol kezde «Bulbul qus» ánі hıt, kópke tanymal edі. Sol ýaqytta aǵylshynsha-qazaqsha aralas sóıleıtіn qazaqtar keldі, qazaqsha asa qatty bіlmeıtіn. Olar «osy án Ulybrıtanııada jaqsy tarap jatyr, osy ándі endі aǵylshynsha jazsaq, búkіl álemge tanylady, mıllıoner bolasyń» dedі", - degen ánshі sol ýaqytta ómіrіnde qıyndyq kóbeıіp, odan da bas tartqanyn aıtady.