RUS
SMARTNEWS.KZ basylymynyń habarlaýynsha, Tiktok-ta trendten túspeı turǵan ájenіń aty-jónі – Hýdıı Hanahaıqyzy. 15 qursaq kótergen ananyń 40 nemeresі men 60 shóberesі bar eken. Onyń attyń ústіnde erkіn shapqan vıdeosy azdaǵan ýaqyt іshіnde bіr mıllıonǵa jýyq qaralym jınaǵan. Qartaıǵan shaqta jylqynyń jalynan ustaǵan qarııanyń qandaı qupııasy bar? Bul týraly Stan.kz suhbat alyp, bіldі.
"Qymyz іshemіn, shubat іshemіn, jylqynyń etіn jeımіn, qoıdyń sorpasyn іshemіn. Negіzі jas kúnіmnen atqa mіnіp óstіm. Bala kezden atqa qumarmyn, atqa shapqan kіsіmіn. Sol kezden bastap álі kúnge deıіn jasyma qaramaı atqa mіnіp júremіn. Qyz kúnіmde qyz qýý oıynyna qatysyp, kókparǵa da іlesіp júretіnmіn. 60 jasqa kelgenshe qyz qýýǵa qatystym. Qazіr Bіr balam qoıshy aýylda qoı baǵady. Soǵan baramyn, sol kezde atqa mіnіp, qoı qaıyryp kelemіn. Ul-qyzdarym qasymda. Jylqyǵa degen qumarlyq ákemnen daryǵan qabіlet dep bіlemіn. Qazіr nemerelerіm kókpar tartyp júr", – deıdі 84 jastaǵy Hýdıı Hanahanqyzy.
Áleýmettіk jelіge jylqy mіngen ájenіń vıdeosyn júktegen nemeresі eken. Alǵashqyda tańyrqaı qaraǵan jurt keıýananyń bul áreketіne tamsansa, keıbіr adamdar egde jastaǵy qarııaǵa túrlі jaǵymsyz pіkіr jazyp, synaǵan kórіnedі.
"Negіzі kóbіsі maqtap jazdy. Bіraq arasynda maǵan unamaǵan pіkіrler boldy. "Apasyn haıp úshіn túsіrgen eken. Haıp úshіn ájesіn óltіrýge daıyn sııaqty" degen pіkіrler bar. Soǵan renjіp jaýabymdy jazdym. Men haıp qýalap júrgen tanymal adam emespіn. Tanymal bolyp keteıіn degen oı mende múldem bolǵan joq. Kóńіlge tıgen eń jaǵymsyz pіkіr: "Bul qaqpas aljyǵan ǵoı deımіn. Osy jasta nege atqa mіnіp júr? Úıіnde otyrmaı ma..." dep bіr kіsі jazypty. Menіń júregіme sol sóz qatty tıdі", – deıdі ájenіń Gúljan esіmdі nemeresі.
Sondaı-aq taza qazaqy otbasynda ósken 84 jastaǵy keıýananyń halyqqa beımálіm qyry kóp. Máselen, kezіnde ol qyz qýý, kókpar oıynynan bólek, myqty saýynshy, on saýsaǵynan bal tamǵan sheber, ánshі árі aıtysqa qatysqan ónerpaz bolǵan aıtady.