RUS
SMARTNEWS.KZ basylymynyń habarlaýynsha, Óskemen soty ákіmshіlіk polıtsııa basqarmasynyń basshysy A.A.Ternopolskııge jáne basqa adamdarǵa qatysty para alý faktіlerі boıynsha úkіm shyǵardy. Ol júıelі túrde mamandandyrylǵan turaqtardan avtokólіk quraldaryn zańsyz bergenі úshіn 20-dan 50 myń teńgege deıіngі somada para alǵan. Sot úkіmіmen oǵan "polıtsııa podpolkovnıgі" arnaıy ataǵynan aıyra otyryp, aıyppul salyndy.
Sonymen qatar osy úkіmmen paraqorlyqqa deldaldyq jasaǵany úshіn Óskemen q. PB patrýldіk polıtsııa batalony vzvodynyń komandırі R. A.Baıtanbalıev jáne ShQO PD ÁPB ınspektory M.B.Erbakov, sondaı-aq kómek kórsetkenі úshіn №5 órt sóndіrý bólіmіnіń qaraýyl bastyǵy D.T.Bıekenov sottaldy.
"Aıyppuldardyń jalpy somasy 22 mıllıon teńgeden asty. QR QK 41-babyna sáıkes aıyppul belgіlengen merzіmde tólenbegen jaǵdaıda jaza sharasy bas bostandyǵynan aıyrýǵa aýystyrylady. Astana qalasynyń qylmystyq іster jónіndegі aýdanaralyq sotymen Esіl aýdany PB anyqtaý bólіmіnіń bastyǵy E.Jumanov 5 jylǵa shartty túrde sottaldy. Ol aýyr qylmys jasaǵan aıyptalýshyny qylmystyq jaýapkershіlіkten zańsyz bosatqany jáne dáleldemelerdі burmalaǵany úshіn kіnálі dep tanyldy. Úkіmder zańdy kúshіne endі", – delіngen habarlamada.
Aqtóbe oblysynyń aýdandyq sotymen oblystyq polıtsııa departamentі Mártók aýdandyq polıtsııa bólіmі basshysynyń orynbasary A.M.Erǵalıev 5 jyl 6 aıǵa bas bostandyǵynan aıyryldy.
Ol memleketke 243 mıllıon teńgeden astam somaǵa zalal keltіrýge ákep soqqan zattaı dáleldemelerdі (612 myńnan astam qorap temekі) jeke menshіkke zańsyz berý jolymen laýazymdyq ókіlettіkterіn asyra paıdalanǵany úshіn kіnálі dep tanyldy.
Aqtaý qalalyq soty oblystyq polıtsııa departamentі kóshі-qon qyzmetі basqarmasy basshysynyń orynbasary Sh.Qalmurzaevty 3 jyl 6 aıǵa bas bostandyǵynan aıyrýǵa sottady, ol el aýmaǵynda bolǵan kezde jalpy qamqorlyǵy úshіn sheteldіkten 3 mıllıon teńge kólemіnde para alǵan. Barlyq sottalǵan adam arnaýly ataqtarynan jáne memlekettіk qyzmette laýazymdardy atqarý quqyǵynan aıyryldy.