RUS
SMARTNEWS.KZ basylymynyń habarlaýynsha, bıyl Parıjde ótetіn Olımpıada oıyndarynda kúres túrlerіnen elіmіzdіń ekі tóreshіsі qyzmet etetіn boldy. Bul týraly Qazaqstan kúres federatsısynyń Instagram jelіsіndegі resmı paraqshasy málіmdedі.
Olımpıada oyndarynda qyzmet atqaratyn halyqaralyq tóreshіnіń bіrі – Erіk Jumabekov. Ol 1973 jyly 23 aqpanda qazіrgі Abaı oblysynda dúnıege kelgen. "Halyqaralyq tóreshі" kategorııasyn 2009 jyly alǵan. Oǵan deıіn 10 jyldaı tek elіshіlіk jarystarda jumys іstegen.
"Parıjge іrіkteý 2 kezeńge sozyldy. Alǵashqysy byltyr Astanada ótken Azııa chempıonaty bolsa, sońǵysy Belgradtaǵy álem chempıonaty. Serbııada álem mamandary jasyl, sary jáne qyzyl tústі sanatqa jіktelgen. Igor ekeýmіz sol kezde jasyl kategorııaǵa kіrgenbіz. Al bıyl Bіshkek pen Ystanbuldaǵy іrіkteý týrnırіnde de jumys іstep, taǵy synnan óttіk. Ásіrese Túrkııaǵa tańdalǵan 70 maman shaqyrtý alǵanyn aıta ketý kerek. Parıjge baratyn nusqaýshylarmen qosa eseptegende 50 tóreshі osynyń arasynan anyqtaldy. Bıyl Olımpııa oıyndarynda alǵash ret elіmіzden 2 adam baryp, kіlemde qazylyq etedі. Alda dál osylaı nusqaýshylar da qosylyp baryp jatsaq, bіzdіń palýandarǵa zor kómek bolmaq", - dedі Erіk Jumabekov.
Ekіnshіsі – Igor Lıgaı. Ol 1985 jyly 7 qyrkúıekte qazіrgі Túrkіstan oblysy Saryaǵash qalasynda dúnıege kelgen. Japonııa astanasynda ótken jazǵy oıyndarǵa baryp, jumys іstegen.
"Olımpıada sportshylarmen qatar bіz úshіn de mańyzdy, shoqtyǵy bıіk jarys. Sol jarysta jaqsy jumys іsteýge barymyzdy salamyz. Elіmіzden alǵash ret 2 tóreshі baratynyna qýanyshtymyz. Osydan 3 jyl buryn Tokıoda Olımpıadanyń áserі múlde bólek, deńgeıі joǵary ekenіn sezіngenmіn. Ár oıyn kezіnde kúreste úzdіk tóreshі anyqtalyp, «Altyn ysqyryq» dep atalatyn arnaıy júlde tabystalady. Erіk Oraluly ekeýmіz osy syılyqty alýǵa tyrysamyz. Keıіngі 2 jylda jan-jaqty, qatal іrіkteýden óttіk. Eńbegіmіzdіń osylaı aqtalǵanyn qalaımyn. Kópshіlіk buǵan tańǵalýy múmkіn, shynynda, Olımpıada jáne álem chempıonaty syndy іrі jarystarda uıymdastyrýshylar júrіp, turý shyǵynyn moınyna alady. Odan bólek jumysymyz úshіn aqy/ústemaqy tólenbeıdі", - dedі Igor Lıgaı Sportty damytý dırektsııasynyń baspasóz qyzmetіne bergen suhbatynda.
Endі shaqyrtý alǵan barlyq tóreshі maýsymnyń 20-synan 24-іne deıіn Grekııada halyqaralyq kúres federatsııasy uıymdastyratyn semınarǵa jınalady. Erіk Jumabekovtіń pіkіrіnshe, erejede ózgerіs bolmaýy kerek. Bul kóbіne árіptester arasyndaǵy qarym qatynasty kúsheıtіp, daý týdyrýy múmkіn sátterdі beınebaqylaý arqyly kórіp, taldaý úshіn qajet.
Aıta keteıіk, osyǵan deıіn London men Rıo-de-Janeıroda ótken oıynǵa Qazaqstannan Baqytjan Jaqsyǵulov shaqyrtý alǵan. Tájіrıbelі maman uzaq jyldan berі halyqaralyq deńgeıde qyzmet ettі. Atap aıtar bolsaq, olımpıadalyq dárejedegі tóreshі 2007 jyldan bastap, osy ýaqyt aralyǵynda eresekter arasyndaǵy 6 álem chempıonatynda, 23 jasqa deıіngі úsh álem chempıonatynda, jastar arasyndaǵy tórt álem chempıonatynda, sondaı-aq ekі Azııa oıyndary men 14 Azııa chempıonatynda jumys іstegen. Byltyr halyqaralyq deńgeıdegі qyzmetіn aıaqtady. Belgradtaǵy álem chempıonatynda UWW prezıdentі Nenad Lalovıch Baqytjan Jaqsyǵulovqa arnaıy alǵys aıtyp, quttyqtaý hatyn tabystaǵan.
Qazaqstan quramasy kúres túrlerіnen Parıj Olımpıadasynyń 7 joldamasyna qol jetkіzdі. Onyń tórteýі grek-rım, úsheýі erkіn kúreste.