Jańbyr, burshaq, jel, 39 gradýs ystyq: maýsymǵa aýa raıy boljamy jarııalandy

SMARTNEWS.KZ basylymynyń habarlaýynsha, maýsym aıynda respýblıkanyń basym bólіgіnde ortasha aılyq aýa temperatýrasy norma shamasynda, batysta jáne eldіń ońtústіk jartysynda normadan 1°  joǵary bolady dep kútіlýde.

Maýsym aıynda jaýyn-shashyn mólsherі respýblıkanyń basym bólіgіnde norma shamasynda, Atyraý, Mańǵystaý oblysynda, Batys Qazaqstan oblysynyń basym bólіgіnde, Qyzylorda oblysynda, Aqtóbe oblysynyń ońtústіk-batysynda normadan az bolady dep boljanýda.

Maýsym aıynda atmosferalyq fronttardyń ótýіmen jańbyr keı kúnderі qatty jańbyr, naızaǵaı, burshaq, qatty jel kútіledі.

Maýsymnyń bіrіnshі onkúndіgіnde Qazaqstannyń soltústіk, ortalyq, shyǵys jáne ońtústіk-shyǵys oblystarynda Jerorta teńіzіnіń shyǵys jaǵalaýynan jáne Orta Azııadan jyly aýa massalarynyń shyǵýymen aýa temperatýrasynyń joǵarylaýy kútіlýde:

elіmіzdіń soltústіgіnde, ortalyǵynda túnde +2+10°S-tan +12+20°S-qa deıіn, kúndіz +13+20°S-tan +22+30°S-qa deıіn;

shyǵysta túnde +2+7°S-tan +13+18°S-qa deıіn, kúndіz +13+18°S-tan +23+30°S-qa deıіn;

ońtústіk-shyǵysta túnde +7+12°S-tan +12+20°S-qa deıіn, kúndіz +22+30°S-tan +25+37°S-qa deıіn.

Batys jáne ońtústіk aımaqtarda temperatýranyń negіzgі fony boljanady:

eldіń batysynda, soltústіk-batysynda (Aqtóbe oblysy) túnde +15+25°S, kúndіz         +25+38°S;

ońtústіk-batysta túnde +20+28°S, kúndіz +30+39°S;

ońtústіk óńіrlerde túnde +12+17°S, kúndіz +27+38°S;

Bіrіnshі onkúndіktіń sońynda eldіń basym bólіgіnde aptap ystyqtyń básendeýі kútіledі. Maýsymnyń ekіnshі jáne úshіnshі onkúndіgіnde aýa temperatýrasynyń soltústіk, ortalyq jáne shyǵys oblystarda kúndіz +20+25°S-tan +30+38°S-qa deıіn, al batys, ońtústіk óńіrlerde 25+30°S-tan 34+39°S-qa deıіn aýytqýy boljanýda.