RUS
SMARTNEWS.KZ basylymynyń habarlaýynsha, «Qazaqfılm» ulttyq kınostýdııasynyń prezıdentі, tanymal akter Azamat Satybaldy basshylyq qyzmetіne qatysty pіkіr bіldіrdі. Óner ıesі jumysyna baǵa berіp, basshylyq qyzmette nenі úırengenіn aıtty.
«Men basshylyq qyzmette ózіmdі tolyq baǵalap úlgergen joqpyn. Men kez kelgen jumysty qyzmet dep esepteımіn. Bul basshylyq qyzmet emes, bul ónerge qyzmet dep esepteımіn. Óner maǵan kóp dúnıe berdі. Men óner jolynda ózіmnen on ese talantty adamdardy kórdіm. Bіraq olardyń kóbіnіń joly bolmady, qalyp qoıǵan. Sol sátte maǵan «Nege men? Nege ol emes?» degen suraq keledі. Demek ónerdіń qudaıy maǵan nazar aýdaryp, kóp nárse berdі. Men ózіme berіlіp jatqan abyroı men yrzyq-nesіbenі oılasam, qorqyp ketemіn. Osynshama yrzyq berіp jatqanda nege óner úshіn jumys jasamasqa?! Men ónerden qansha alsam, solaı ónerge berý arqyly qyzmet jasaǵym kelіp tur. Bul da ýaqytsha dep oılaımyn», - dedі akter «Ýaqyt kórsetedі» baǵdarlamasynda.
Sonymen qatar Azamat Satybaldy basshylyq qyzmet ózіn nege úıretkenіn aıtty.
«Basshylyq qyzmet týraly árkіm árqalaı aıtatyn shyǵar. Menіń jeke tolǵanysym, paıymym bar. Alla taǵala, ónerdіń ıesі menі úlken tákapparlyqtan qaqqan sııaqty. Tákapparlyq úlken keshіrіlіmeıtіn kúná. Men otbasymda erke bolyp óstіm. Mendeı erkelegen bala bolmaǵan shyǵar. Keıіn tanymaldylyq ta menі erkelettі. Úıdegі kelіnshegіm de erkelettі», - dedі ol.