RUS
Dúbіrlі doda qarsańynda Ulttyq paralımpıada komıtetіnіń prezıdentі bolyp qaıta saılanǵan kásіpker Qaırat Boranbaev josparlarymen bólіstі.
«Men Paralımpıada federatsııalary ókіlderіnіń bіraýyzdan sheshіmіmen ulttyq paralımpıada komıtetіnіń prezıdentі bolyp saılandym. Menі qoldaǵandardyń bárіne alǵys aıtqym keledі. Men úshіn bul óte mańyzdy qyzmet. Bіz Qazaqstanda paralımpıadalyq qozǵalysty damytý jónіndegі aýqymdy strategııamyzdy іske asyrý jolyndamyz. Sońǵy jyldary qol jetkіzgen jetіstіktermen toqtap qalmaımyz. Josparymyz kóp», - dedі Qaırat Boranbaev ózіnіń áleýmettіk paraqshasynda.
Onyń aıtýynsha, búgіnde Frantsııa astanasy Parıjde jalaýyn jelbіretetіn Paralımpıada oıyndaryna qyzý daıyndyq júrіp jatyr. Jyl sońyna deıіn Astanada jańa jattyǵý ortalyǵynyń qurylysy bastalmaq. Sondaı-aq «Tarlan» ınklıýzıvtі muz aıdynyn qaıta jańartý josparlanyp otyr. Budan bólek paralımpıadashylarǵa arnalǵan zamanaýı trenajerler satyp alynbaq.
«Menіń maqsatym-paralımpıadalyq sporttyń tıіmdі júıesіn qurý jáne Qazaqstannyń óńіrdegі sporttyq kóshbasshylyǵyn nyǵaıtý. Osy jolda menі qoldaıtyndardyń barlyǵyna rızamyn!», - dedі ol.