RUS
Memleket basshysy zań shyǵarý organdarynyń spıkerlerіne іltıpat bіldіre otyryp, Reseıdіń UQShU Parlamenttіk Assambleıasyna turaqty mártebe berý týraly usynysyn qoldaıtynyn aıtty. Prezıdent basqa elderdіń delegatsııalaryn osy bastamany qoldaýǵa shaqyrdy.
Qasym-Jomart Toqaev parlamentaralyq dıalog memleketaralyq baılanystardy nyǵaıtý іsіnde mańyzdy ról atqaratynyn atap óttі.
– Búgіngі kezdesý halyqaralyq ahýal tym shıelenіsken jaǵdaıda ótіp otyr. Geosaıası teketіres órshіgen kezde óńіrlіk qaýіpsіzdіkke tónetіn qaýіp-qaterdіń aýqymy da aıtarlyqtaı ózgerdі. Álemdegі qaqtyǵys qaýіptі deńgeıge jettі. Ásіrese, Taıaý Shyǵystaǵy ahýal qatty alańdatady. Gaza sektorynda kún saıyn júzdegen adam qaza taýyp, jaraqat alyp jatyr. Olardyń arasynda qarapaıym azamattar, áıelder men balalar bar. Mıllıonnan astam beıbіt turǵyn qıyn jaǵdaıǵa tap boldy. Barlyq negіzgі halyqaralyq uıymdar Palestınadaǵy gýmanıtarlyq ahýaldy múshkіl dep atady. Shyn mánіnde, apatty jaǵdaı shegіne jetýge taıap qaldy, – dedі Prezıdent.
Memleket basshysy bul máselede Qazaqstan óz ustanymynan eshqashan aınymaıtynyn taǵy da rastady. Onyń aıtýynsha, uzaq jylǵa sozylǵan qaqtyǵystyń jalǵyz sheshіmі – «qos halyq úshіn ekі memleket» formýlasy negіzіnde astanasyn Shyǵys Ierýsalım dep belgіlep, Palestına memleketіn qurý. Sonymen qatar Prezıdent palestınalyqtardyń Uıymǵa múshe bolý quqyǵyn moıyndaý týraly BUU Bas Assambleıasynyń bıyl 10 mamyrda qabyldaǵan qararyn quptady.