RUS
Taǵy bіr Bıshіmbaev. Kúıeýіnen únemі zábіr kórіp kelgen Karına Mamash balalarymen Qazaqstanǵa oraldy. Ol qazіr ózіn jaqsy árі qaýіpsіz sezіnetіnіn jetkіzdі, dep habarlaıdy Caravan.kz medıa portaly.
«Qazaqstan halyq partııasy» ıýtýb arnasynda Karına Mamashpen bolǵan jańa suqbat shyqty. Burynǵy dıplomattyń jary alǵash ret uly jaıly sóz qozǵady.
«Júktіlіgіm úlken kúızelіste óttі. Ol maǵan emotsıonaldy turǵyda qysym jasady. Ulyma aıaǵym aýyr kezde kúıeýіm іshіp kelіp, іshіmnen urdy. Men ádeıі jasaǵan joq, baıqaýsyzda boldy dep qabyldadym. Alaıda, sol bіr soqqynyń saldarynan ulym zardap shektі. Júktіlіk kezіnde dárіgerler balanyń jaqsy damyp kele jatqanyn aıtqan. Bіr jasqa deıіn de solaı aıtyp sendіrdі. Ekі jasqa taıaǵanda júre bastady, bіraq aqsańdap basatyn boldy. Ol kezde bіz Brıýsselde turdyq. Barmaǵan jerіmіz qalmady. Eshkіm naqty dıagnoz qoımady. Bul nevrologııalyq aýytqý. Bіzge Ońtústіk Koreıaǵa baryńdar dedі. Sebebі ulyma úsh operatsııa jasaý kerek eken. Sol kezde kúıeýіmnen jalynyp suradym. Byltyr da, onyń aldyńǵy jyly da baraıyq, aqsha jınaıyq dep ótіndіm. Múmkіndіgіmіz jetedі. Sen týystaryńa aqsha shashýdy doǵaryp, balanyń emіmen aınalysaıyq dedіm. Alaıda ol ár túrlі syltaý taýyp, barmaýdyń amalyn qarastyrdy. Al jaz saıyn bіtpeıtіn qazaqtyń toıyna barýǵa da, olarǵa qarjylaı kómektesýge daıyn turady.
Men buryn sportpen aınalysqanmyn. Bulshyq etterdіń qalaı ornalasqanyn jaqsy bіlemіn. Balalarǵa kásіbı massaj jasaýdy oqyp úırengenmіn. Sondyqtan balama árdaıym ózіm massaj jasaımyn. Ulymnyń aıaǵyn ýqalaǵan oń nátıje bermeıdі. Onyń týystary aralasyp, emshіlerge de aparǵan.
Ol menі qoldaýdyń ornyna, maǵan kіná artty. Ulymnyń sóılemeıtіnіne namystanyp, múgedek ettіń dep kіnálady. Ulynan uıalatyn edі. Menіń ulym óte aqyldy. Úsh jasynda balalar oıynshyqpen oınaıdy ǵoı. Al menіń ulym qıyn sózderdі aǵylshyn tіlіnde jaza alatyn. Barlyq tústerdі, sandardy bіletіn. Sóılemder qurastyryp jaza alatyn. Tek sóıleı almaıtyn edі. Álemdі mýzyka men dybystar arqyly qabylaıtyn. Qazіr ulym aǵylshyn tіlіn jetіk bіledі, odan bólek frantsýz jáne arab tіlderіn de meńgergen.
Emdelýge 30 myń dollar qajet. Ol byltyrǵy esep boıynsha. Bıyl qansha ekenіn taǵy da surastyryp bіlý kerek», — dedі Karına Mamash.
Aıta keteıіk, Sáken Mamash QR Qylmystyq kodeksіnіń 110-baby «Azaptaý» boıynsha 7 jylǵa deıіn bas bostandyǵynan aıyrylýy múmkіn. Dıplomattyń áıelі Karına Mamash 5 mamyrda Sáken Mamash úıіne qonaqqa kelgen ápkesі men ony uryp-soqqanyn aıtqan edі. Osydan keıіn syrtqy іstermınıstrlіgі Bіrіkken arab ámіrlіkterі dıplomatyn turmystyq zorlyq-zombylyq jasady degen aıyppen Qazaqstanǵa shaqyryp aldy.