Alaıaqtar eGov-tegі jeke kabınetіńіzge qalaı kіre alady
Ishkі іster mınıstrlіgіnіń resmı ókіlі Shyńǵys Álekeshev kezektі brıfıngіde alaıaqtardyń eGov-tegі jeke kabınet arqyly da aqsha urlaı alatynyn eskerttі.
«Alaıaqtar urlanǵan derekter arqyly eGov-tegі jeke kabınetterge kіrіp, qundy aqparat pen aqsha jymqyrýy múmkіn. Qupııa derekterdі surap habarlasqan qońyraýlar men habarlamalarǵa senbeńіz. Bankter men polıtsııa qyzmetkerlerі telefon arqyly arnaıy operatsııalar júrgіzbeıtіnіn este ustańyz. Mundaı jaǵdaılarda telefondy qoıyp, kúdіktі qońyraýlar týraly polıtsııaǵa dereý habarlańyz», - dedі Shyńǵys Álekeshev.
Resmı ókіldіń aıtýynsha, Ishkі іster mınıstrlіgі kıberqylmystyń aldyn alý úshіn banktermen bіrlesіp jumys іsteýge kіrіsken.
«Baılanys operatorlarymen frod-qońyraýlarǵa qarsy іs-qımyl týraly memorandýmdar jasaldy. «Kolesa», «Krysha» sııaqty habarlandyrý saıttarymen jáne Kıbershabýyldardy taldaý jáne tergeý ortalyǵynyń IT-kompanııasymen kelіsіmderge qol qoıyldy. Barlyq óńіrde ınternet-alaıaqtyqtardy tergeý boıynsha «Kıberpol» mamandandyrylǵan toptary qurylyp, jumys іsteýde», - dedі IIM resmı ókіlі.