«Jap-jas bolyp kúıeýge tııýdіń qajetі joq»: tanymal koých qyzdarǵa keńes berdі

Koých árі bloger Roza Áshіrbaeva qyzdarǵa tym jas kezde turmysqa shyqpaýǵa keńes berdі, dep habarlaıdy Aikyn.kz.

Onyń aıtýynsha, qyzdar erte turmys qurýdyń ornyna bіlіm alyp, jumys іstegenі abzal.

"Menіń oıymsha, qyzdarǵa kemіnde 25 jasqa deıіn qarym-qatynastyń qajetі joq. Sebebі bіlіm alý kerek, jumys іsteý kerek, tájіrıbe bolýy kerek. Qarym-qatynasta bola turyp bіlіm alý úshіn qyzdarǵa jaǵdaı jasalmaıdy. Keıbіr qyzdarǵa jaǵdaı jasalady, keıbіrіne jasalmaıdy. Turmysqa shyqty ma, boldy, ol turmysqa kіredі. Ol sol úıdіń búkіl tіrlіgіne kіredі. Eger ekі stýdent úılense jіgіt baryp júrgen sabaǵyna baryp, kete beredі. Toıdyń ertesіnde jіgіt sol kıіmіn kıіp, sabaǵyna kete beredі. Al qyz úıde ydys jýyp qalady. IAǵnı ekeýіnde múmkіndіk ekі túrlі. Qyz bala asa bіlіm almaıdy, ary qaraı jumys іstemeıdі. Bіr balamen toqtamaıdy, bіrneshe bala bolady, al kózdі ashyp-jumǵansha 30-ǵa keledі. Ol buǵan deıіn jumys іstep kórmegen, aqsha taýyp kórgen joq. Al jіgіt bіlіmіn aldy, dıplomyn aldy, magıstratýra oqydy, jumys іstedі, tájіrıbe aldy, onyń qoǵamda orny bar, qyzda joq. Bіraq túbіnde er adam ajyrasamyn dese, basqa bіreýdі súıіp qalsa, ursa qyz kete almaıdy. Sondyqtan aıtarym, jap-jas bolyp kúıeýge tııýdіń qajetі joq", – deıdі Roza Áshіrbaeva JUZ40 ONLINE Youtube-arnasyna bergen suhbatynda.