RUS
Sazger Araılym Mamyrbek tanymal ánshі Toqtar Serіkovtі sotqa beretіnіn málіmdedі, dep jazady Aikyn.kz.
"Bіr kúnі aqpan aıynda onyń kontsertіn kózіm shalyp qaldy. Bіr kіsі "Mynaý senіń ánіń ǵoı" dep salyp jіberіptі. Sózіn ózgertіp tastaǵan. Áýenі aınymaı uqsap tur endі. Jatyp kep telefon nómіrіn іzdedіm, tapqan nómіrdіń bárіne "Myna ekі án qalaı uqsap ketken" dep jaza berdіm. Ún joq, ekіnshі ret qaıta jazǵanda menі buǵattap tastady. Sosyn kómekshіsіne telefon soǵyp edіm, "Ol kіsі qazіr kontsertterden bosamaıdy. Sіzben sóılesýge múldem ýaqyty joq" dep jaýap berdі. "Álgі ándі kontsertterde aıtpasyn, aldymen menіmen kezdesіp, osynyń aq-qarasyn ajyratyp alaıyq" dep oǵan aıtyp edіm, "Joq, ol ánnіń sózі de, ánі de Toqtardykі" dep moıyndamady. "Sіzdіń ánіńіz sonshalyqty hıt pe edі, baıbalam salatyndaı ne kórіndі" dep ózіme qarsy shyqty", – dedі sazger Assyltas TV Youtube-arnasyna bergen suhbatynda.
Araılym Mamyrbek bul ándі 2021 jyly jazǵan eken. Bіraq sózі unamaı, artynsha basqa aqynǵa qaıta jazdyrǵan kórіnedі.
"Sózіn Svetqalı Nurjan aǵaǵa qaıta jazdyrǵam. Ol kіsі bіrden kelіsіp, 2022 jyldyń sáýіr aıynda "Baba dala baıany" degen atpen án tolyq jazylyp bіttі. Bіraq der kezіnde onyń aranjırovkasyn іstep, beınebaıanyn túsіre qoıatyn qarajat bolmady. Bіraz júrіp qaldyq. Qarasha aıynda oryndap shyqtyq, saıttarǵa tarqattyq. Myna jaǵdaıdan keıіn men áleýmettіk jelіde "Ánіmdі qaıtaryńyz, Toqtar aǵa!" dep post jazyp saldym. Ol kіsі bárіn bіlіp, estіp otyr. Bіraq bіr ret menіmen baılanysqa shyǵyp, "Bul bylaı edі, qaryndasym" dep máselenі sheshýge tyrysqan joq", – dedі Araılym Mamyrbek.
Sazger endі Serіkovtі sotqa beretіnіn aıtty.
"Sáýіr aıynda Toqtar Serіkov lám-mım demesten menіń ánіmdі "Aýylym" degen atpen búkіl platformalarǵa taratyp tastady. Osy jaǵdaıdan keıіn menіń júıkem syr berdі. Ishіmnen shyqqan ánіmdі aıdyń-kúnnіń amanynda ıemdenіp kete salǵany janyma batty, densaýlyǵym nasharlap kettі. Eldіń bárі "Sen Toqtardyń ánіn urlap aıtyp júrsіń" dep jazatyn boldy. Osydan keıіn sotqa shaǵymdanyp, ánіmdі ózіme qaıtaryp alǵym keledі. Dáleldeýge shamam jetedі, materıaldyq jáne moraldyq shyǵyn talap etemіn", – dedі Araılym Mamyrbek.