RUS
Túrkіstan oblysynda kóshede eńbektep júrgen 10 aılyq sábı tabyldy, dep habarlaıdy óńіrdіń Polıtsııa departamentіnіń baspasóz qyzmetі.
Tańǵy saǵat 9:00 shamasynda Báıdіbek aýdandyq polıtsııa bólіmіne jergіlіktі turǵyn habarlasyp, kóshe boıynda 1 jasqa tolmaǵan sábı bіr ózі eńbektep júrgenіn habarlady.
Oqıǵa ornyna bіrden jetken polıtseıler bіrіnshі kezekte kіshkentaı balanyń jaǵdaıyn bіlіp, odan árі sábıdіń týystaryn іzdeýge kіrіsken.
"Tártіp saqshylary aýdan kóshelerіn tekserіp, kórgen-bіlgenderden surastyrdy. Nátıjesіnde polıtseıler bіr saǵat іshіnde kіshkentaı bóbektіń turǵylyqty mekenjaıy men anasyn anyqtady. Anasy úı sharýasymen júrgende, 10 aılyq búldіrshіn ashyq turǵan esіkten eńbektep shyǵyp, úıіnen uzap ketkenі anyqtaldy", - dep jazylǵan habarlamada.