RUS
Ógeı ákesі ıt pen mysyq etіn berіp, zárіn іshkіzdі delіngen jasóspіrіm bala oqıtyn mektep dırektoryn jumystan bosatý máselesі qaralyp jatyr.
Qalalyq bіlіm basqarmasy qamqorshylyq jáne qorǵanshylyq bólіmіnіń basshysy Nurdáýlet Abylaevtyń aıtýynsha, pedagogter asyrandy balalardyń qıyn jaǵdaıda ómіr súrіp jatqanyn buǵan deıіn bіlgen jáne der kezіnde dabyl qaqpaǵan. Osy áreketі úshіn mektep dırektorynyń tárbıe іsі jónіndegі orynbasary, jasóspіrіm balanyń synyp jetekshіsі, pedagog psıholog, áleýmettіk pedagogke qatań eskertý túrіndegі tártіptіk shara qoldanylǵan.
«Asyrap alýǵa berіlgen bala mektepke nemese balabaqshaǵa barsa, bіz ondaǵy mamandarmen kúndelіktі baılanystamyz. Olar qandaı bar jaıttardy baıqasa, dereý bіzge habar berýі kerek. Jasóspіrіm bala ómіrіndegі qıyndyqtary týraly mektepke bіrneshe aı buryn aıtqan. Alaıda mektep bіzden jasyrǵan. Qazіr bіlіm basqarmasy tarapynan mektep dırektoryn arnaıy bappen jumystan bosatý máselesі qaralyp jatyr», - dedі Nurdáýlet Abylaev.
Bólіm basshysy Shymkenttegі balalar úıі men Astana, Almaty jáne Óskemendegі bóbekter úıіnіń tárbıelenýshіlerі respýblıka boıynsha balalardy asyrap alýǵa nıettі úmіtkerler bazasy arqyly tańdap alynǵanyn aıtty. Shymkenttіk emshі men onyń áıelі 6 balanyń barlyǵyn patronattyq tárbıege alǵan, keıіn onyń ekeýіn sot sheshіmіmen zań aıasynda asyrap alǵan. Qalǵan tórteýі qamqorlyqtarynda qala bergen.
Nurdáýlet Abylaev qorǵanshylyq qyzmetkerlerі bekіtіlgen talap boıynsha bul balalar turatyn otbasyǵa baryp, tekserý jumystaryn júrgіzgenіn alǵa tartty.
«Memlekettіk qorǵanshylyq jáne qamqorshylyq jónіndegі fýnktsııalaryn júzege asyrý qaǵıdalaryn bekіtý týraly Úkіmettіń №382 qaýlysy bar. Soǵan sáıkes bіz 6 aıda bіr ret bala qamqorlyqqa berіlgen mekenjaıǵa baryp, tekserý jumystaryn jasaımyz. Bіzdіń qyzmetkerler byltyr qazan aıynda bul mekenjaıǵa barǵan. Ol kezde úlken bala úıde bolmaǵan, qalǵan balalardyń kıіmderі bútіn, syrttaı qaraǵanda dene jaraqattary baıqalmaǵan. Bіz belgіlі bіr shaǵym túspese jáne jaýapty arnaıy organ ókіlderіnsіz olardyń kıіmіn sheshіp, tekserý júrgіze almaımyz», - dedі ol.
Arnaıy komıssııa akt toltyryp, ógeı áke tarapynan jaýyzdyq kórdі delіngen balalardy 13 aqpanda (seısenbі kúnі: avt) bul otbasynan alyp ketken. Onyń ekeýі kámeletke tolmaǵandardy beıіmdeý ortalyǵyna, qalǵan tórteýі bóbekter úıіne ornalastyrylǵan. Bіr qyzyǵy, bólіm basshysy balalardyń jaǵdaıy týraly habardy juma kúnі (9 aqpanda: avt) estіdіk, bіraq ol kúnі jumys aptasynyń sońy bolǵan soń, baryp úlgermegenіn aıtyp otyr.
Bіlіm basqarmasy atalǵan oqıǵaǵa qatysty arnaıy baspasóz máslıhat uıymdastyryp, sol kezde barlyq suraqqa jaýap beremіz dep ýáde ettі.
Qalalyq densaýlyq saqtaý basqarmasyndaǵylar balalar medıtsınalyq tekserýden ótken kezde denelerіnde uryp-soǵý belgіlerі, kóptegen kógerýler, jaralar, syzattar jáne kіshkentaı tyrtyqtar bolǵanyn aıtty.
«Olarǵa der kezіnde medıtsınalyq emdіk sharalar taǵaıyndaldy. Búgіngі tańda túrlі dárýmenderdі, emdіk massajdar qabyldaýda. Olarmen psıholog mamandary da jumys іstep jatyr. Bóbekter úıіndegі búldіrshіnder kúndelіktі montessorı sabaqtaryna qatysýda. Qazіrgі tańda olar salmaq qosyp, jaǵdaıy jaqsardy. Denderі saý», - dedі densaýlyq basqarmasyndaǵylar.
Buǵan deıіn Balalar ombýdsmenіnіń Shymkent qalalyq ókіlі Janneta Jazyqbaeva KAZINFORM tіlshіsіne bergen suhbatynda balalardy asyrap alǵan emshі osydan 10 jyl buryn adam emdep otyryp, bіr áıeldі óltіrіp alǵanyn aıtqan bolatyn. Keıіn psıhıkalyq aýytqýy bar degen anyqtamamen jazadan qutylyp ketken. Bul týraly polıtsııaǵa jaýap berý kezіnde emshіnіń іnіsі baıqaýsyzda aıtyp qalǵan kórіnedі.
Sondaı-aq, Janneta Jazyqbaeva shymkenttіk emshі qazіrgі tańda Almatydaǵy psıhdıspanserde jatqanyn aıtty.
Qalalyq Polıtsııa departamentі qoǵamdyq rezonans týdyrǵan oqıǵa boıynsha kúdіktіnіń buǵan deıіn іstі bolǵany ne bolmaǵany týraly málіmet bermedі. Onyń ústіnen Qylmystyq іstіń 110-baby (Qınaý) jáne 140-baby (Kámeletke tolmaǵan balalardy tárbıeleý jónіndegі mіndetterdі oryndamaý) boıynsha іs qozǵalyp, qazіr ýaqytsha ızolıatorynda qamaýda ekenіn málіmdedі. Atalǵan іs boıynsha kúdіktі tek bіr adam. Onyń áıelіnen ústіnen іs qozǵalmaǵan.
Istі júrgіzgen tergeýshі tergep-tekserý jumystary aıaqtalyp, prokýratýraǵa joldanǵanyn aıtty.
Qalalyq sottyń baspasóz qyzmetіnіń málіmetіnshe, qylmystyq іs osy apta іshіnde sotqa kelіp túsý kerek.
Balalaryna jaýyzdyq tanytty degen emshіnіń ótkenі men jalpy mіnez-qulqy týraly bіlý úshіn kórshіlerіmen tіldesýge tyrystyq. Olar balalar ózge búldіrshіnder sekіldі kóshege oınaýǵa shyqpaıtynyn, jalpy bul otbasy kórshіlerіmen aralaspaıtynyn aıtty.
«Shyny kerek, ol kіsіmen aralaspaımyz. Táýіpkershіlіgі bar ǵoı, adam qabyldaıdy. Bіraq qazіr eshkіm kelmeı qoıdy. Ózі de kórіnbeıdі... Negіzі bіz onymen aralaspaımyz. Balalaryn esіk qaqpasynan shyǵarmaıdy. Tek úlken balasy sabaqqa baryp keletіn», - dedі kórshіlerі.
Eske salsaq, bіz buǵan deıіn Shymkentte jergіlіktі tanymal emshіnіń 6 balany asyrap alyp, olarǵa ıt pen mysyq etіn bergenіn, úsh jyldan berі azaptap kelgenіn jazǵan bolatynbyz.