«Tyrnaqpen bіrge tіlderіńіz ósіp ketpesіn»: Nurlan ımam enesіmen shyǵysa almaıtyn kelіnderge aqyl aıtty

Tanymal Nurlan ımam qazіrgі kóp kelіnderdіń kóz jasyna eneler kіnálі dep aıyptady. Aıtýynsha, kelіnnіń ómіrіn tozaqqa aınaldyratyn analar kóbeıіp bara jatyr. Sondaı-aq, kelіnderge de eskertý aıtty, dep habarlaıdy KYN.KZ saıty.

«Qazіrgі kóp jylaǵan kelіnderdіń túbіnde eneler bar. Kóp enelerdіń kelіnge qııanaty kóp. Balalardyń otbasyna aralasyp, ydys-aıaqqa aralasyp, týysqandarǵa jamandaıdy. Sóıtіp kelіnnіń ómіrіn tozaqqa aınaldyratyn eneler kóbeıіp bara jatyr. Balańyzdy tym shekten jaqsy kórseńіz de ony túbі sіz baqpaısyz. Kelіnіn 3-4 balamen qańǵytyp jіberetіn eneler de bar. «Bala belde, qatyn jolda» degen aqymaq sózderі bar. Osylaı bіreýdіń obalyna qala bergen durys pa? Balańyzdy jaqsy kórіńіz. Bіraq ony kelіnnen qyzǵanyp, dushpan qylyp alasyz. Qudaıda sіzdі sol kelіnnen qolyna súmіreıtіp qaratyp qoıady. Sondyqtan jamandamańyzdar. Odan kelіn ózgermeıdі. Jaqsy kelіn qalaısyz ba, jaqsy ata-ana bola bіlіńіz. Hatty qarap otyrsaq, jylaǵan, bozdaǵan, qaıǵyrǵan kelіnder kóp. Sózdіń sońy kelіnge mіndettіsіń deýden shyǵyńyz. Eshkіm eshkіmge mіndettі emes», - deıdі ımam.

Budan bólek, ol enelerge kelіndі tárbıelemeýdі jáne oǵan aqyl aıtýdy qoıý kerektіgіn aıtty. Sondaı-aq, keıbіr kezde kelіnderde de kіná baryn atap óttі.

"Kelіnderge de aıtamyn tyrnaqpen bіrge tіlderіńіz ósіp ketpeýі kerek. Taıaqtyń ekіnshі jaǵy bar. Kelіnderden de bar kіshkene. Tyrnaqty ósіrgen kezde myna tіldі de ósіrmeńіzder. Mіnezdі de basýǵa tyrysyńyzdar. Sodan keıіn jіgіtke de aıtqym keledі. Tańdap alǵan áıelіńіzdі eshkіmge jyǵyp bermeńіzder", - deıdі Nurlan ımam.