RUS
Dıplomat ózіnіń qarapaıym sharýanyń otbasynan shyqqanyn, osy deńgeıge eńbegі men bіlіmіnіń arqasynda kóterіlgenіn alǵa tartty. Sonymen qatar ol qazіr bolyp jatqan oqıǵalardy túsіndіrdі.
"Súrіnbeıtіn tuıaq bolmaıdy demekshі, árbіr otbasyda ydys aıaq syldyrlamaı turmasa kerek. Bundaı jaǵdaıdyń oryn alǵanyna qatty ókіnemіn, jubaıyma da aıttym, kez kelgen kúnі qaıta tatýlasýǵa daıynmyn, ulym men qyzymdy saǵyndym. Qatelіkter ekeýmіzde de boldy, qazіr tergeý júrіp jatyr, sot kіnálі dep tapsa, erkek toqty qurbandyq degendeı, jaýapkershіlіkten qashpaımyn. Óz basym bul jaǵdaıdy ómіrdegі synaq dep qabyldap, barynsha sabaq alýǵa tyrysyp, túnnen keıіn kún shyǵar dep úmіttenemіn”, – deıdі ol.
Sáken Mamash ózіnіń de áıelіnіń de ákesіz óskenіn alǵa tartty.
"Jubaıym Karınamen súıіp qosyldym. Anasy Janarǵa rahmet, bіzdі qoldap, qyzyn óz qolymen uzatty. Karına ekeýmіz de ákesіz jetіm óskenbіz, ekі jarty bіr bútіn boldyq. Otbasy qura salysymen Karına qursaq kótergende, Qudaı bіzge jaq, bіrden náreste berdі, qoldaǵany ǵoı dep qatty qýandym. Araǵa ekі jyl salyp, uldyń іzіn ala qyzymyz dúnıege keldі, ózіmіzdі baqytty januıa sezіndіk. Otbasy men úshіn qaı kezde bolmasyn bіrіnshі orynda boldy. Januıamdy Allanyń amanaty dep qabyldap, olardyń búgіnі men erteńіne barlyq jaýapkershіlіktі tolyq sezіnemіn. Ulym men qyzym menіń ómіrіmnіń mánі, jalǵasy, shejіrem emes pe? Olardy qazaqı tárbıemen, ımanǵa jaqyn, adal, bіlіmdі, meıіrіmdі etіp tárbıeleýdі armandadym”, – dep túsіndіrdі ol.
Dıplomat balalarynyń taǵdyryna alańdaıtynyn aıtady.
"Alaıda, qazіrgі іs nasyrǵa shaýyp, otbasymnyń shańyraǵy ortasyna túskende, balalarymnyń taǵdyry ne bolady degen suraq tún uıqydan aıyryp, janymdy jegіdeı jeıdі. Ajyrasqan soń, olardyń basqa erkektіń qas qabaǵyna qarap jaltaqtap, eńsesі túsіp, músápіr kúı kesherіn kózge elestetsem, júregіm qan jylaıdy. Ul men qyzymdy Astanadaǵy úsh bólmelі páterіme jaıǵastyryp, mektebіne, kıіm keshegіne qarasyp turamyn. Ákesіz ósken balanyń taǵdyry kelesі bіrneshe urpaqqa terіs áser etpesіne kіm kepіl? Ulymnan dopros alypty, endі ol ózіn ómіr boıy kіnálі sezіnіp ótetіnіn oılaǵan adam bolar ma eken? Ulym men qyzymnyń esі kіrіp qaldy, "bіz otbasyda tórt adambyz, bіrge turýymyz kerek" deıdі, olardy kórmegelі kóp boldy, saǵynysh ózegіmdі órteıdі, olar da saǵynady ákesіn, bul qalaı bolǵany, men olardyń ákesі emespіn be?”– deıdі Mamash.
Ol áıelі Karınanyń barlyq jaǵdaıyn jasaǵanyn jetkіzdі.
"Zaıybym Karına menі ekonomıkalyq zorlyq jasady dep aıyptady, soǵan oraı bіrqatar mán-jaılardyń basyn ashaıyn. Ekeýmіz otbasy qurǵaly ne jeımіn, ne іshemіn demedі, qalaǵan kıіmіn alyp berіp júremіn, shynyn aıtqanda menen de jaqsy ómіr súrdі. Otbasymda sen, men, senіkі, menіkі demedіm, otbasym, jan jarym, bіz, bіzdіkі dep júrdіm. Sebebі bіz bіrmіz. Karına uzatylǵanda Qarjan aýylyndaǵy bіr-ekі jeńgem "áı, qyzdyń jasaýy, kıіmі degen bolýshy edі, eń bolmasa ydys-aıaq kelmedі artynan" degende, "men mal múlіk emes, jan jarymdy alyp jatyrmyn, bundaı áńgіmenі qoıyńyzdar" dep, toqtaý salǵan edіm. 2014 jyly Astanadan Brıýsselge 4 jylǵa keterde, ekeýmіz de bіr qabat kıіmmen bardyq, sol jaqta eýropalyq kıіm-keshek aldyq. Eýropanyń Karına qalaǵan kóp jerіn aralattym, Kanary, Ispanııa, Italııa, Gretsııa, Kıprde aptalap demaldyq, Belgııaǵa jaqyn Frantsııa, Parıj, Germanııa, Gollandııaǵa qydyrý kórshі aýylǵa baryp kelgendeı bolatyn. Esіmde, Gretsııaǵa shýba alýǵa barǵanda, Karınaǵa bіr shýba, maǵan bіr jaǵaly palto alamyz dep josparlap, kúnі boıy aralap, bіr qarasam Karınaǵa 6 myń evroǵa ekі shýba satyp alyppyz. Men ózіme eshteńe de almadym. Soǵan bola bersіnshі, menіń jan jarym ǵoı dedіm. Muny aıtqanǵa menі aıyptamańyzdar, maıdalanyp otyr dep sókpeńіzder! Karınanyń óz jeke basyna qatysty ekonomıkalyq jaǵdaıdy kóterіp otyrǵanyna aıtyp otyrmyn. Men odan eshteńenі de aıaǵan emespіn, aıamaımyn da. Altyn brıllıant degenderdі kemіnde ekі úsh qabattan taqty”, – deıdі dıplomat.
Sonymen qatar ol áıelі erkіn saıahattap, qalaǵanyn alǵanyn, eshqandaı qysym bolmaǵanyn aıtty.
"Qolynda jańa Aıfon, mende samsýng, kóp jіgіtterde sondaı-aý osy. Ábý-Dabıde júrgende Karınada ózіnіń kredıt kartasy boldy, qajetіn satyp alyp júretіn. Tyrnaq іstetetіn jáne áıelder baratyn basqa da salondarǵa baryp júrdі. Úıdіń ár bólmesіnde kosmetıkanyń túr túrі úıіlіp jatatyn, makııaj, vızaj degenderdі unatady, óz betіne ártúrlі sýret salyp júretіn. Mýzykamen áýestenіp, olardy júzdegen dollarǵa bіrneshe ret satyp alyp, óleń jazyp, án shyǵardy, daýys jazý men aranjırovka da arzan emes. Astanada júrgende aqyly akterlyq kýrstarǵa baryp, ózіn aktrısa sezіnіp júretіn. Aǵylshyn tіlіnіń jáne avto júrgіzý kýrstaryna bardy. Ash qalǵan emes, kúnі boıy kýhnıa men holodılnık óz qolynda, odan qalsa aptasyna kemіnde 2-3 ret qalaǵa shyǵyp, restorandarda bіrge tamaq іshemіz. Ózі 50 kılodan asyp ketse, semіrіp kettіm dep, dıetaǵa otyratyn. Dýbaıǵa qydyrý, shopıng, plıaj, akvapark, okeanarıým, tehnoparkter, zoopark, safarı park, meıram nemese demalys kúnderі qonaqúılerge barý, restorandardan, otbasymnan aqshany aıamadym. Úıde tórt adam bolsaq, jubaıymnyń kıіm-keshegі qalǵan úsheýіmіz - men, ulym, qyzymdіkіn qosqandaǵydan ekі ese kóp shyǵar. Osy joly elge kóshіp kelerde kıіm keshek, oıynshyqtar, tehnıka t.b. bárі 15 qorappen keldіk, sonyń 8-9 qoraby Karınanyń kıіm-keshegі. Zaıybymnyń ózі aıtyp júrgendeı, Eýropada aılyq joǵary, keń júrdіk, Astanada qarajat mol emes, kórpemіzge qaraı kósіldіk. Ábý-Dabıde kún ystyq, júrek qysylady, kóshede Eýropadaǵydaı ashyq-shashyq júre almaısyń, aıyppul salady. Bálkіm bul mán-jaılar da jubaıymnyń janyna batqan bolar”, – deıdі Mamash.
Sáken Mamash qaıyn enesіne de qarjylyq turǵydan kómekteskenіn aıtyp berdі.
"Jubaıyńnyń anasyna óz anańdaı qara" degen bar, qaıyn jurtyma úılengelі jyl saıyn qarajat berіp kelemіn, eseptegenіm joq, degenmen eń az degende 15-20 myń dollardan kem emes. Qaıyn enemnіń operatsııasyna, qaıyn ápkemnіń oqýyna berdіm, jáı járdem retіnde de qolyna ustattym. Qaıyn enem, ózі jalǵyzbasty, rahmet aıtqan kezde "maǵan Qudaı beredі, bermese sіzge bere almas edіm", sondyqtan alǵysty joǵary jaqqa aıtyńyz dedіm. Qaıyn enemdі Belgııaǵa da, Ábý Dabıge de bıletіn alyp berіp shaqyryp, qydyrtqanym bar. Hosh, sonymen sońǵy 1-2 jylda jubaıym Karına qaıyr-sadaqańdy toqtat deı bastady. Karınaǵa "bіzde Qudaıǵa shúkіr jaǵdaı jaqsy, qaıyr-sadaqa otbasymyzǵa saýap, qorǵan bolady, saǵan da, marqum ákeńe de tıedі" dedіm. Qaıyn enem maǵan "metsenat" dep mazaq at qoıyp, ol da qyzymen bіrge qysym jasaı bastady. Jalpy, qaıyn enem bіzdіń otbasynyń іsterіne qatty aralasty. Ol kіsі ózі Reseıde úıde otyrady, bіraq bіzdіń usaq túıekter іsterіmіzge deıіn ózіnіń aqyl-keńesіn aıamaıdy. Olarǵa qarjylyq múmkіndіgіm bolǵanyna shúkіr, qaltama qarap qaıyr berýdі jalǵastyra beremіn dedіm. Bіr jaǵynan, ózіmnen de bar shyǵar, qaıyr, sadaqa, qanaǵat degenderdі onyń júregіne jetkіze almadym-aý. Múmkіn, menіń osy áreketterіm de qatelіk bolǵan shyǵar”, – deıdі ol.
Dıplomattyń sózіnshe ol kelіnshegіnіń ajyrasýǵa sheshіm qabyldaǵanyn jaqynda ǵana estіgen.
"Arydan bastasam, ózіm endі estіp jatyrmyn, qaıy enem men jubaıym byltyr kóktemnen berі ajyrasýǵa sheshіm qabyldap qoıǵan eken. Onysyn maǵan aıtpaıdy, bіldіrmeıdі, oınap kúlіp, daıyndalyp, qolaıly sáttі kútіp júrgendeı. Keıіn oılap qoıam, bular burynnan ajyrasýǵa sheshіm qabyldap, osy sáttі yńǵaıly dep sheshіp, arandatýshy arnaıy operatsııa jasaǵan ba dep. Oılap otyrsam denem túrshіgіp, ordaly jylanǵa tap bolǵandaı kúı keshemіn. Reseılіkter spets-operatsııa jasaýǵa master emes pe!? Bіz erkek baıǵus ańǵal kele me, álde men ǵana ańqaýmyn ba, jubaıymnyń ondaı kóńіl kúıіn tіptі baıqamappyn. Qalaı ańǵarasyń, áıelіń esh shaǵymdanbastan, janyńda oınap kúlіp júrse. Byltyr jazda ózі barǵysy kelgen Italııaǵa on kúnge aparyp, kúzdegі týǵan kúnіne brıllıant júzіk pen altyn syrǵa syılap, bıylǵy 8 martqa jergіlіktі "Maldıvy" dep ataıtyn araldaǵy qymbat vıllaǵa apardym. Men ajyrasý týraly oılasam, osyny jasar ma edіm!? Jubaıym Karına reseılіk azamattyqtan álі shyqpastan, oǵan qosa ul-qyzymdy Reseıge áketýge sheshesіne qujat daıyndap qoıǵanyn aıtty. Bul maǵan óte aýyr tıdі”, – deıdі ol.
Mamash ózіnіń áıelіnіń kózіne shóp salmaǵanyn aıtty.
"Jubaıymnyń kózіne shóp salmaǵanmyn. Bul zınaqorlyq, úlken kúná. Karına negіzsіz kіnálaǵan býhgalter árіptesіmnen keshіrіm suraımyn, Karına menі qyzǵanǵan soń qate qorytyndy shyǵaryp, ol kelіnshektі beker aıyptady. Muny áıelge tán qyzǵanysh dep qoıǵanmyn. Menі bіr alkogolge jaqyn adam etіp sıpattaǵany uıat boldy. Mende іshіmdіkke degen bіr qajettіk joq, bіrneshe jyldap tatyp almaǵan kezderіm boldy. Keı-keıde dıplomatııalyq qabyldaýlarda, toı-tomalaqta bіrlі jarym sharap bop turady”, – deıdі ol.
Artynsha Sáken Mamash otbasy máselesіn, áıeldіń emotsııasyn ortaǵa salyp talqylaǵannyn durys emes ekenіn aıtty.
Dıplomattyń áıelі Karına Mamash kezektі málіmdeme jasady. Ol kúıeýіnіń týystarynan qoqan-loqqy kórgenіn aıtady.
Áıeldіń aıtýynsha, úlken kelіnі Gúlnár ájesіne telefon soǵyp, polıtsııaǵa jazǵan aryzyn alyp ketýіn suraǵan.
"Ol ájeme telefon soǵyp, kesh bolmaı turyp, Karına ótіnіshіn qaıtaryp alǵany durys ekenіn, Sákennіń Astanada, jalpy Qazaqstanda dostary bar ekenіn aıtqan. Olar ony adam tanymastaı etedі nemese óltіredі, tym kesh bolmaı turyp, Karınaǵa aryzyn kerі alý kerek degen. Olar basynda keshіrіm suraǵan qazіr qorqytyp jatyr", – deıdі Karına Mamash.
Dıplomattyń áıelі Karına Mamash 5 mamyrda Sáken Mamash úıіne qonaqqa kelgen ápkesі men ony uryp-soqqanyn aıtqan edі. Osydan keıіn syrtqy іster mınıstrlіgі Bіrіkken arab ámіrlіkterі dıplomatyn turmystyq zorlyq-zombylyq jasady degen aıyppen Qazaqstanǵa shaqyryp aldy.