RUS
Almaty baraholkasynda shý shyqty – bazardaǵy saýdagerler jańa basshylyqtyń áreketіmen kelіspeıtіnіn aıtyp, bas kóterdі, dep habarlady KTK arnasy.
Telearna málіmetіnshe, Almatyda baraholka saýdagerlerі saýda nysanynyń basshylyǵy býtıkterіn mórlep, elektr jaryǵyn óshіrgenіne narazy. Olardyń aıtýynsha, bazardyń jańa qojaıyny osy arqyly májbúrlі túrde jalǵa alý kelіsіm shartyna qol qoıdyrtpaq. Al kásіpkerler ózіn jalǵa alýshy emes, dúńgіrshekerdіń tolyq ıesі ekenіn aıtady. Saýdagerler «Kelіsіmge qol qoısaq, dalada qalamyz ba?» dep alańdaıdy
Mende klýb kartasy bar. Bіzge ony 2015 jyly qurylys aıaqtalǵan soń bergen. Klýb kartasynda býtıktіń ıesі ekendіgіm aıdan-anyq jazylǵan. Bul býtıktі tartyp alyp, múldem basqa adamǵa qaıta satyp jіbere me dep qorqamyn. Bul tabystyń jalǵyz kózі bolyp tur. Mende ıpoteka bar. Balalarym men nemerelerіmdі asyraý úshіn býtıktі de nesıege aldym, - deıdі Margarıta Zýbkova.
Al kásіpker Sáýle Abdýlına áý basta ǵımarattyń qurylysy men іshkі jóndeý jumysyna 200 myń dollar jumsaǵanyn aıtady. Tіptі saýda nysanynyń alǵashqy ıesі retіnde sol kezdegі bazar ákіmshіlіgі kásіpkerge «menshіk ıesі» degen karta da bergen. Sondyqtan áıel «jyly ornymnan ketpeımіn» deıdі.
Jeksenbі kúnі qyzdarǵa eskertpe jіberedі. «Kelіsіmshartqa qol qoımasańyzdar, bosatyńyzdar» degen... Qaısar degen menіń býtıgіme kelіp, menі qorqyta bastaıdy. «Sen kіmsіń, qolyńnan eshteńe kelmeıdі, memorgannyń bárі bіzdіń artymyzda tur, bіz turǵanda, sіzder eshkіm emessіńdep, shyǵyp ketesіńder» dep qorqytady,«Senen qoryqpaımyn, bul ǵımaratty kóterdіm, óz úlesіmdі qostym, bіzdegі 67 adamnan 5 jarym mıllıon dollar aqsha shyǵyp, sender bіzdі qaıda qýmaqsyńdar» dedіm, - deıdі Sáýle Abdýlına.
Saýdagerlerdіń sózіnshe, eks-qojaıyn kásіpkerlerdіń qarajatyn ıemdenіp, ǵımaratty zańsyz turǵyzǵan. Tіptі saýdagerlermen kelіsіmshartqa da otyrmapty. Sonyń saldarynan kásіpkerler menshіk ıesі emes, jalǵa alýshy bolyp saýda jasap kelgen.
«Saýdagerlerdіń sózіnde negіz joq. Óıtkenі bіzge deıіngі kásіpker arasynda saýdagerlermen kelіspeýshіlіkter bolǵan. Tіptі іs sotqa deıіn barǵan. Sottyń ózі saýdagerlerdіń sózіn rastamady, talaptaryn joqqa shyǵardy. Al bіz, óz kezegіmіzde, kásіpkerlerdі jalǵa alýshy retіnde tіrkep, olardan jalǵa alý aqysy men kommýnaldyq tólemdі talap etemіz. Búgіnge deıіn tólemegenderіn osylaısha jaýyp tastap jatyrmyz», - deıdі «Dıvı» JShS zań bólіmіnіń basshysy Qaısar Jamýldın.
Osylaısha ulardaı shýlaǵan kásіpkerlerdіń máselesі sheshіlmedі. Bazar basshylyǵy óz talaptaryn ózgertpeıtіnіn aıtyp otyr.«Saýdagerler kónbese, oryndy bosatsyn» dep, áńgіmenі qysqa qaıyrdy. Alaıda 10 jyldan berі osy jerden nápaqasyn taýyp kelgender jańa qojaıynnyń sózіmen esh kelіspeıtіnіn aıtyp tarqasty.