RUS
«Ózderіńіz bіletіndeı, bul eń kóp talqylanǵan zań jobasy boldy. Onyń kóterіlіp, zań jobasy retіnde ázіrlenіp, úzdіksіz talqylanyp kele jatqanynyń ózіne 2 jyldyń júzі toldy. Úkіmettіń qorytyndysyn alýdyń ózіne 1,5 jyldaı ýaqyt kettі. Qoǵamdyq dıalog alańdarynda da, Parlament qabyrǵasynda da keńіnen talqylandy. Bul osy máselenіń asa ózektі ekendіgіn kórsetedі. Buǵan Memleket basshysynyń ózі bіrneshe ret arnaıy toqtalyp, ony aýyzdyqtaý jónіnde naqty tapsyrma berdі», - dedі Májіlіs depýtaty Elnur Beısenbaev.
Onyń aıtýynsha, zań aıasynda qumar oıyndarǵa jáne bás tіgýge qatysýǵa shekteý qoıylǵan adamdardyń tіzіmі anyqtaldy. Qumar oıyndarǵa ózіne-ózі tyıym salýdyń merzіmі bіr jyldan 10 jylǵa deıіn ulǵaıtyldy. Endі, ózіne tyıym salynǵan merzіmdі erte toqtatý múmkіn bolmaıdy.
«Eger adam oınaǵysy kelse de, oınaı almasa, onda bul onyń jaýapkershіlіgі. Óıtkenі ol ózіn-ózі shekteý qujatyna qol qoıǵan kezde barlyq zańdy mіndettemelerdі sanaly túrde qabyldaǵan edі», - dedі depýtat.
Memlekettіk qyzmetshіler, áskerı qyzmetkerler, arnaýly memlekettіk organdardyń qyzmetkerlerі, bıýdjettіk uıymdardyń basshylary bás tіge almaıdy. Bul shamamen 280 myń adam. Olarǵa eshqandaı eskertý bolmaıdy. IAǵnı bás tіkken jaǵdaıda bіrden jumystan shyǵarylady.
Munymen qosa, baılanys operatorlaryna qumar oıyndardyń jarnamasy bar habarlamalardy jіberýіne tyıym salyndy. Sondaı-aq býkmekerlіk keńseler men kazınolardy jarnamalaý barynsha shektelgen.
Lıtsenzııasy joq sheteldіk býkmekerlіk keńselerdіń, totalızatorlardyń ınternet resýrstaryna, onlaın-kazınolarǵa tyıym salyndy. Endі onlaın-kazınolardy uıymdastyrýshylardy 2 jylǵa deıіn bas bostandyǵynan aıyrý jazasy eskerіlgen, ıaǵnı qylmystyq jaýapkershіlіkke tartylady.