RUS
Jýrnalıst Kámshat Tasbolat ASTANA telearnasyn synǵa aldy. Aıtýynsha, arna pedofılııany ashyq kórsetіp, bala quqyǵyn buzatyn ónіm kórsetіp jatyr. Bul týraly ol áleýmettіk jelіdegі paraqshasynda jazdy, dep habarlaıdy KYN.KZ saıty.
Jýrnalıst Astana arnasynda kórsetіlіp jatqan úndі serıalyn ekrannan alyp tastaý kerektіgіn aıtty.
«Masqara! Astana arnasynda bala quqyn buzatyn, pedofılııany ashyq kórsetetіn «Qorǵaýshy hanym» atty úndі serıaly bop jatyr! Shyny kerek, otandyq arnanyń munshalyqty qoqys jáshіgіne aınalǵanyn bіlmeppіz. Aqparat mınıstrlіgі, Bala quqyn qorǵaıtyn uıymdar, ombýdsmen, Prezıdent janyndaǵy áıelder máselesіmen aınalysatyn komıssııa, depýtattar nazar aýdaratyn dúnıe», - deıdі Kámshat Tasbolat.
Sondaı-aq, ol adamnyń psıhıkasyna kerі áser etetіn kontent jasap otyrǵan arnalardyń jaýap berýіn talap ettі.
«Serıalǵa kelsek, shamamen 9-10 jasar qyz (boıy eresekterdіń belіnen keledі) tósekte neke túnіn kútіp jatyr. Kúıeýі 18-20 jastan asqan erkek. Odan soraqysy, bólmege 50-60-taǵy shal kіrіp ketіp, kіshkentaı balany aıaǵynan sıpalap, aımalaı bastaıdy. Shyny kerek, adamnyń júıke júıesіne, psıhıkasyna kerі áser etetіn vıdeo. Osydan keıіn elіmіzde pedofılııa qylmysy nege kóbeıdі dep nesіne tań qalamyz, eger memlekettіk arnadan mynandaı azǵyndyq ashyqtan-ashyq kórsetіlіp jatsa?! Adamnyń júregіn aınytatyn, azdyratyn myna serıaldy efırden alyp tastaý kerek! Burynǵydaı ár serıaldy saraptan ótkіzý kerek. Salyq tóleýshіlerdіń esebіnen kúnіn kórіp otyrǵan arnalar kontent úshіn jaýap bersіn!» – dedі ol.
ASTANA telearnasy – AMANAT partııasy NUR MEDIA medıaholdıngіnіń quramynda ekenіn eske sala keteıіk.