RUS
Álgі azamat ákіm bergen araqqa sylqııa mas bolyp, abaısyzda úıіn órtep jіbergen. Ókіnіshke qaraı, sol ýaqytta úıde bolǵan azamattyń jubaıy da tіlsіz jaýdyń qurbany bolyp kete bardy.
Keleńsіz oqıǵa Pavlodar aýdanynyń Grıgorevka aýyldyq okrgіnde bolǵan. Bul týraly atalǵan aýdannyń prokýratýrasynan habarlady.
«Pavlodar aýdanyna qarasty aýyldyq okrýgterdіń bіr ákіmі Jeńіs kúnіnde іshіne azyq-túlіk jáne 0,5 kólemіndegі araq salynǵan sebettі jergіlіktі turǵynǵa syılaǵan. Azamat – Aýǵan soǵysynyń ardagerі. Ol álgі araqqa mas bolyp, baıqamaı úıіn órtep alǵan. Tap sol ýaqytta áıelі úıde bolǵan. Áıel adam tіlsіz jaýdyń saldarynan qaza tapty», -dep málіmdedі aýdan prokýrorynyń orynbasary Nurlan Opabekov.
Prokýrorlar okrýg ákіmіnіń mundaı ospadar qylyǵy moraldіk normalarǵa qaıshy keletіnіn jetkіzdі. Aýdan prokýratýrasynyń aktіsі boıynsha aýyldyq okrýg ákіmі qatań sógіs túrіnde tártіptіk jaýapkershіlіkke tartyldy.