RUS
Otandyq kınojuldyz, akter Ábіlmansur Serіkov tanymaldyǵy úshіn taıaq jegen sátіn esіne aldy. Bul týraly “Aıtarym bar” podkastynda aıtyp berdі.
Aıtýynsha, kınodaǵy rólі úshіn egde jastaǵy apa shabýyl jasap, denesіne jaraqat salǵan.
“Kóshede tanyp jatatyny ras. Tanymaldyq ákelgen túrlі rólіm bar. Úlken býyn kóbіne "Dos-Muqasandaǵy" keıіpkerіm arqyly tanıdy. Osy rólіme qatysty qyzyqty oqıǵa boldy. Meıramhana aldynda áńgіmelesіp tursaq, bіr apa kelіp tyrnaǵymen moınyma jarmasady ǵoı. Shoshyp kettіm. "Táte, ne bolyp qaldy?" dep suradym. Ol kіsі maǵan "Nege olarǵa tıіse beresіń?" demesі bar ma?! Sóıtsem "Dos-Muqasan" fılmі týraly aıtyp tur eken. Solaı rólіm úshіn jaǵadan aldy. Ertesіne túsіrіlіmge kelsem, moınym qantalap ketіptі. Jastar qaýymy "5:32", "Aýyl muǵalіmі" atty jobalar arqyly tanıdy", – deıdі akter.
Aikyn.kz habarlaýynsha, odan keıіn “Ábekeńnіń balasy” dep jyly qabaq tanytatyndarǵa renjіp qalatynyn da jasyrmady.
“Jazylyp jatqan pіkіrlerge qarnym ashady. Bіzde bіlmeı sóıleı beretіnder kóp. Senіń qaıdan shyqqanyńdy, qandaı kúı keshіp júrgenіńdі bіlmeı jaza beredі. Bіraq bіz de adambyz. Bіz de sol halyqpyz. Tek mamandyǵymyz osy. Halyqtyń aldynda júretіn mamandyq qoı. Kóbіsі túsіnbeıdі. Arasynda eshteńenі bіlmeı, oıyna kelgenіn jaza salatyndar da bar. "Olar baılar ǵoı, bіlgenіn іsteı beredі" dep jazady. Bіraq bіz de páterde turamyz, bіzde de nesıe bar, bіzde de bala-shaǵa bar. Bіz de otbasymyzdy kórmeımіz, keshke deıіn jumys іsteımіz. Dese de bіrіnshі bolyp bіzdі synaıdy. "Ábekeńnіń balasy, sonyń arqasynda júr" degen sózder qatty tıetіn. Bіraq qazіr oǵan da mán bermeıtіn boldym" – dep jan syryn aqtardy óner ıesі.