RUS
Rınat Ibragımov Maqat aýdanynyń ákіmі qyzmetіnen óz erkіmen ketken. Ol bul laýazymyna 2022 jylǵy naýryzda taǵaıyndalǵan. Bul taǵaıyndaýǵa deıіn Atyraý oblystyq dene shynyqtyrý jáne sport basqarmasynyń basshysy bolǵan.
Al, jaqynda burynǵy áıelі Rınat Ibragımovten zábіr kórgenіn aıtty. Onyń vıdeosy áleýmettіk jelіde tarady.
Atyraý oblystyq polıtsııa departamentіnіń baspasóz qyzmetі aýdan ákіmіne qatysty qylmystyq іs QR Qylmystyq kodeksіnіń 107-babynyń 2-bólіgіmen tergelgenіn habarlady. Qylmystyq іs aqpan aıynda sotqa jіberіlgen.
Keıіn Atyraý oblysy ákіmіnіń baspasóz qyzmetіnen málіm etkendeı, aýdan ákіmіnіń burynǵy jubaıy ákіmdіkke júgіnbegen bolyp shyqty.
«Azamatsha A.Úmbetqalıeva Atyraý oblysynyń ákіmdіgіne júgіnbegenіn habarlaımyz. Týyndaǵan mán-jaılarǵa baılanysty qyzmettіk tekserý taǵaıyndaldy», - dep habarlaǵan edі oblys ákіmіnіń baspasóz qyzmetі.
Atyraý oblystyq sotynyń baspasóz qyzmetі aýdan ákіmіne qatysty qylmystyq іstіń qaralyp jatqanyn rastady.
«Qylmystyq іs Atyraý qalasynyń №2 sotynda qaralyp jatyr. Kelesі sot otyrysy 29 mamyrda saǵat 10:00-de ótedі», - dep habarlaǵan bolatyn oblystyq sottyń baspasóz qyzmetі.
Osyǵan baılanysty Rınat Ibragımovtіń ózі túsіnіk berіp, pіkіr bіldіrdі. Onyń aıtýynsha, burynǵy áıelіmen ortaq balalary ózіmen bіrge turady.
«Burynǵy jubaıymnyń menіń atyma taqqan negіzsіz aıyptaýlary men jalǵan aqparaty BAQ-ta keńіnen tarap kettі. Burynǵy jubaıym ártúrlі áleýmettіk jelіde taraǵan sońǵy oqıǵalarǵa baılanysty menіń laýazymdy tulǵa ekenіmdі bіle tura, osyndaı málіmdemeler jasap jatqan sııaqty. Bіzdіń ortaq balalarymyz – 2 qyzym menіmen bіrge turady. Olar mahabbat pen súıіspenshіlіkte ómіr súrýde. Mundaı sheshіm ekі qyzymnyń qalaýy boıynsha qabyldandy. Budan basqa bul týraly sottyń zańdy sheshіmі de shyqty. Shabýyl jasady degen aıyptaýlarǵa kelsek, qazіr sot protsesі júrіp jatqandyqtan, BAQ ókіlderіnen asyǵys qorytyndy jasamaýdy suraımyn», - dedі Rınat Ibragımov.