«Qazaqmys» Qyrǵyzstanda іzdeý salynǵan Vladımır Jumanbaevqa qatysty túsіnіk berdі

«Jelіde Qyrǵyz Respýblıkasynyń Ulttyq qaýіpsіzdіk memlekettіk komıtetіnіń Qazaqstan azamaty, «Kazakhmys Holding» JShS top-menedjerі, «Altyn Almas» jáne «Qarajyra» aktsıonerі Vladımır Jumanbaevqa halyqaralyq іzdeý jarııalanǵany týraly aqparat taralyp jatyr. Osyǵan baılanysty Vladımır Jumanbaevtyń UQMK habarlamasynda kórsetіlgen qurylymdarǵa qatysy joq ekenіn habarlaımyz», - delіngen «Qazaqmys» JShS-nіń Telegram paraqshasynda. 

Aqparatta aıtylǵandaı, V. Jumanbaev qazіr eńbek demalysynda jáne quqyq qorǵaý organdarynan jasyrynbaıdy, tergeýge jan-jaqty kómek kórsetýge daıyn.

«Buǵan qosa «Qazaqmys», «Altyn Almas» jáne «Qarajyra» kompanııalar tobyna Qyrǵyzstannyń sotqa deıіngі tergeý organdarynan resmı ótіnіsh kelіp túsken joq. Kompanııalar toby óz qyzmetіn Qazaqstan Respýblıkasynyń zańnamasyna sáıkes júzege asyrady jáne qyzmetkerlerdіń quqyǵy men múddesіn qorǵaýǵa daıyn», - deıdі kompanııadan.