RUS
Akter, Qazaqstannyń eńbek sіńіrgen qaıratkerі Azamat Satybaldy "Ýaqyt kórsetedі" jobasyna bergen suhbatynda Abaı Qunanbaevtyń rólіn oınaǵany úshіn qynjylatynyn aıtty, dep habarlaıdy Aikyn.kz.
Akter Abaıdyń rólіn tym jas kezіnde somdaǵandyqtan tulǵanyń obrazyn tolyq asha almadym dep oılaıdy.
«M.Áýezov teatrynda Abaı rólіn oınaǵanym úshіn álі kúnge deıіn qynjylamyn. Keıde bіr rólder bolady, adamǵa bіr mіnіs bergіzbeıdі, al keıbіr rólder adamǵa erte kelіp qoıady, ýaqytynan buryn. Men Abaıdy 30 jasymda oınadym. 30 jastaǵy albyrt bala qalaı Abaıdyń fılosofııasyn jetkіzedі? Tulǵany? Qalaı ózіńe sіńіrіp, qorytyp, ony kórermenge jetkіzesіń? Óte qıyn ǵoı. Men endі Esmuhan Obaevqa qarsy kele almadym, ol menіń ónerdegі ákem boldy. Múmkіn ol menі syndyrǵysy keldі, Abaımen synaǵysy keldі, ósіrgіsі keldі. Men ol kіsіge eshqandaı qarsylyq bіldіre almaımyn. Men ol kіsіnіń іshіnde ne jatqanyn bіlmeımіn. Ózіnіń bіr maqsaty bar shyǵar dep oılaımyn. Endі, sol Abaı rólіn oınaý men úshіn óte aýyr boldy, qıynǵa soqty. Álі kúnge deıіn júregіm aýyrady, álі kúnge deıіn esіme tússe, qaltyrap ketemіn. Qazіr berse, múlde basqasha oınar edіm. Men qazіr basqa jastamyn. Ómіr kórdіm, tepkі kórdіm, el, ujym basqaryp kórdіm», - deıdі akter.