RUS
Bul týraly vedomstvonyń baspasóz qyzmetі málіm ettі.
Atalǵan sharalardy QR Kólіk mınıstrlіgі men inDrive, IAndeks Go arasynda jasalǵan yntymaqtastyq týraly Memorandým sheńberіnde júzege asyrý kózdelіp otyr
«Qosymshany paıdalanýshy adamnyń bergen baǵasy men jalpy reıtıngke súıene otyryp, jyldamdyqty jıі asyratyn júrgіzýshіler jolaýshylardan kelіp túsken tapsyrystardy oryndaýdan ýaqytsha nemese múldem shettetіlýі múmkіn. Sondaı-aq kólіk júrgіzýshіlerіne kólіktіń tehnıkalyq jaǵdaıyn tekserý qajettіgі jónіnde jáne qaýіpsіzdіk beldіkterіne qatysty habarlamalar kelіp turatyn bolady», — delіngen habarlamada.
Jalpy QR Kólіk mınıstrlіgі, Ishkі іster mınıstrlіgі, IAndeks Go jáne inDrive arasynda qol qoıylǵan Memorandým mobıldі qosymsha operatorynyń taksı tasymaldaýshylarynyń avtomobıl kólіgі salasyndaǵy zańnama talaptaryn saqtaýyn qamtamasyz etý boıynsha sharalardy kezeń-kezeńіmen qabyldaýyn kózdeıdі.
«Qujatty іske asyrý aıasynda platformanyń serіktes-júrgіzýshіlerіne arnalǵan onlaın jáne oflaın formatta trenıngter ótkіzý josparlanyp otyr. Oqytý barysynda jol qozǵalysy erejelerі men qalaaralyq avtomobıl joldarynda qaýіpsіzdіk erejelerіn saqtaý taqyryptary egjeı-tegjeılі qarastyrylatyn bolady. Memorandýmdy ázіrleý barysynda kózdelgen basty maqsat — respýblıkalyq jáne jergіlіktі mańyzy bar qalaaralyq avtomobıl joldarynda, sondaı-aq qala іshіndegі toraptarda jol qozǵalysyna qatysýshylardyń qaýіpsіzdіgіn arttyrý», — dep habarlady vedomstvonyń baspasóz qyzmetі.
Kompanııa ókіlderіnіń aıtýynsha, bıyl ekіnshі toqsannyń sońyna qaraı múmkіndіgі shekteýlі jandardyń jeke qajettіlіkterі men kіshkentaı balalarǵa arnalǵan oryndyqtarǵa qatysty aqparatty kórsetýge múmkіndіk beretіn qosymsha fýnktsııany engіzý josparda bar.
Aıta keterlіgі, jyl basynda Kólіk mınıstrі Marat Qarabaev mobıldі taksı qyzmetіne tapsyrys beretіn qosymshalar operatorlarynyń ókіlderіmen kezdesý ótkіzgen bolatyn. Otyrys barysynda avtomobıl kólіgі salasyndaǵy zańnamanyń saqtalýyn qamtamasyz etý qajettіlіgі jáne jolaýshylardy tasymaldaý qaýіpsіzdіgіne іshkі korporatıvtіk talaptardy engіzý máselelerі talqylanǵan edі. Otyrys qorytyndysy boıynsha jolaýshylardy tasymaldaý salasyndaǵy túıtkіldі máselelerdі sheshý boıynsha naqty sharalardy engіzý usynylyp, nátıjesіnde bul sharalar Memorandýmda kórіnіs tapty. Sondaı-aq taksı agregatorynyń ókіlderіne júrgіzýshіlerdіń jumys jáne demalys tártіbіn saqtaý talaptaryn kúsheıtý usynylǵan bolatyn.