RUS
SMARTNEWS.KZ basylymynyń habarlaýynsha, osy jyldyń naýryz aıynda Qonaev turǵyny Andreı Astahov Vladımır Pýtınge júgіngen vıdeosyn jarııalaǵan.
Beınerolıkte er adam kórshі eldіń prezıdentіn kómektesýge shaqyryp, Qazaqstandaǵy jaǵdaıǵa rıza emestіgіn aıtqan.Áıtpese eldі azamattyq soǵys kútіp tur dep málіmdeptі. Sonymen qatar ol vıdeoda Qazaqstan sheneýnіkterіne, onyń іshіnde Prezıdentke qarata qorqytyp-úrkіtý sarynyndaǵy sóz aıtqan.
"Vladımır Vladımırovıch, kómektesіńіz, qutqaryńyz. Menіń oıymsha, sіz bіzdі estısіz", - deptі Astahov.
Buǵan pіkіr jazǵan azamattardyń keıbіrі túsіnbestіkpen qarasa, keıbіr paıdalanýshylar IIM men UQK akkaýnttaryn belgіlep ketken.
5 naýryzda er adam qamaýǵa alyndy. Kelesі kúnі Qonaevta Astahovtyń soty óttі. Ol QR QK 174-babynyń 1-bólіgі boıynsha áleýmettіk alaýyzdyqty qozdyrdy dep aıyptaldy.
"Sot otyrysynda sottalýshy A. S. Astahov kіnásіn tolyq moıyndady. Bul áreketke ókіnіp, bas bostandyǵynan aıyrmaıtyn jaza taǵaıyndaýdy ótіndі", - delіngen sot sheshіmіnde.
Bіraq sot Astahovtyń ótіnіshіn elemedі. Pýtınge úndeýі úshіn er adam endіgі úsh jylyn qaýіpsіzdіgі ortasha kolonııada ótkіzedі.
Bіr qyzyǵy, Astahov arnasynda tek segіz rolık bar eken. Jáne kópshіlіgі sheneýnіkter jumysyn synaý, KSRO-ǵa degen saǵynyshyn jetkіzgen mátіnder. Er adamǵa berіlgen úkіmge qaramastan, jazba álі de qol jetіmdі jáne 6000-nan astam qaralym jınady.