RUS
SMARTNEWS.KZ basylymynyń habarlaýynsha, balalar úıіnen 6 balany asyrap alyp, olarǵa ıt pen mysyqtyń etіn bergen shymkenttіń emshіge qatysty derekter anyqtalyp jatyr. Bul týraly QazAqparat jazdy.
Asyrandy bіr balanyń týǵan ájesі Óskemen qalasynda turatyny anyqtaldy. Tіlshіler 65 jastaǵy Natalıa Ýstınovamen jolyǵyp, jıenіn asyraýǵa qalaı berіlgenіn surap kórdі.
«Qyzym Olga aspaz bolyp jumys іsteıtіn. Bіrde Buqtyrmadaǵy «Chaıka» demalys bazasyna jumysqa ornalasyp, demalýshylarǵa tamaq pіsіrіp júrdі. Sonda slesar bolyp іsteıtіn Qaıratpen tanysty. Áńgіmesі jarasyp, kóńіl qosqan ekeýі bіrge turdy. Bіraq zańdy nekege otyrǵan joq», – deıdі Natalıa Ýstınova.
2019 jyldyń jazynda Olga jaryq dúnıege sábı alyp keldі. Ol kezde jasy 39-da bolǵan. Buǵan deıіn turmysqa shyqpaǵan, bala súıіp kórmegen. Ulynyń esіmіn Rýslan dep qoıady.
«Balaly bolǵandaryna ákesі qýanǵan joq. Kerіsіnshe, olardy tastap kettі. Qyzym depressııaǵa túsіp, saryýaıymǵa salyndy. Ishіmdіk іshіp júrdі. Ózіm de, kúıeýіm de oǵan qoldaý bіldіrіp, demeý bolýǵa tyrystyq. Bankten 3 mln teńge nesıe alyp, eskі úıіmіzdі jóndettіk te, ekeýіn kіrgіzіp aldyq. Bala úshіn bіr bólmenі arnaıy jabdyqtadyq. Olga sabasyna túsіp, qalypqa kele bastady. Bіraq 2021 jyly órshіgen koronavırýs atty kesel qyzymdy aınalyp ótpedі. Qatty aýyrǵan ol 14 kún boıy jansaqtaý bólіmіnde jatyp, esh ońalmaı qaıtys boldy. Nemeremіzdі atasymen óz qamqorlyǵymyzǵa aldyq», – dep sózіn sabaqtady ol.
Keıіn kúıeýі de qaıtys bolǵanyn jasyrmady.
«Tіreýіmnen aıyrylyp, jalǵyz qaldym. Nesıe tóleý úshіn qaıta jumysqa shyǵyp, Rýslandy Óskemendegі sábıler úıіne ótkіzýge májbúr boldym. Qyzym sııaqty ózіm de aspazbyn. Basynda ýaqytsha dep oıladym. Bіraq qaryzdan qutyla almaı, kúnder, aılar syrǵyp óte berdі. Nemereme únemі baryp, hal-jaǵdaıyn bіlіp turdym», – deıdі Natalıa Ýstınova.
2023 jyldyń kúzіnde Rýslandy shymkenttіk otbasy asyrap alýǵa nıettі ekenіn estіgen. Kіmder ekenіn zerttep, áleýmettіk jelіden er adamnyń emshіlіkpen aınalysatynyn kórgen.
«Rýslan ony bіrden «ákelep» kettі. Kóre sala «áke, áke» dep júgіre jóneldі balapan... Kіrshіksіz taza júregі aramdyqty qaıdan sezsіn... Ózіn baıypty ustap, balany basynan sıpap, erkeletіp turǵan álgі adamdy kórgende men de senіp qaldym. Sóıtіp, sol jyldyń 16 qazanynda ol Rýslan men Aleksandr esіmdі taǵy bіr balany Óskemennen Shymkentke alyp kettі. 6 balany asyraǵanyn keıіn myna sumdyqty estіgende baryp bіldіk qoı», – deıdі.
2024 jyldyń aqpanynda sol alty balanyń úlkenі ózderіnіń múshkіl halderіn aıtyp kómek suraǵan soń tekserý júrgіzіlіp, emshіge qatysty qylmystyq іs qozǵalǵan. Demek, Rýslan osy otbasynda 4 aı bolǵan. Qazіr ol Shymkenttegі kámeletke tolmaǵandardy beıіmdeý ortalyǵynda.
«Jaýyzdyń nemereme jáne basqa balalarǵa qandaı qatіgezdіk kórsetkenіn estіgende júregіm qars aıyryldy. Bul – naǵyz aıýandyq! Janýar ekesh janýar da balasyna olaı іstemeıdі. Al sol adamnyń ózіn ákedeı kórіp turǵan kіshkentaı perіshtelerge qııanat jasaýyn esh aqtaýǵa bolmaıdy. Ony qatań jazalaý kerek!» – deıdі Natalıa Ýstınova.
Ájesі jıenіnіń Óskemenge qaıtyp kelýіn tіleıdі. Qaryzdan álі qutylmaǵan. Jasy 65-ke kelse de jumys іstep, nesıe tólep otyrǵanyn aıtady.
«Rýslandy osyndaǵy balalar úıіne aldyrsa, apta saıyn baryp turatyn edіm. Oǵan durys kútіm jasalyp jatqanyn qadaǵalap, kerek-jaraǵyn jetkіzіp otyramyn. Jasym da bіrazǵa keldі. Nesıeden qutyla almaı turǵanym bolmasa jıenіmdі ózіm-aq baǵýshy edіm. Mіne, bіzdіń oqıǵa – osy», – dep aýyr kúrsіngen zeınetker sózіn aıaqtady.
Kazinform tіlshіsі Natalıa Ýstınova aıtqan Óskemendegі sábıler úıіne de baryp kórdі. Bіraq ondaǵy kúzetshі mekeme dırektory Fatıhova Saltanat Erbolatqyzynyń ornynda joq ekenіn aıtyp, qaqpa syrtynan ary qaraı ótkіzbedі.