RUS
Aıgúl Saılybaevanyń aǵasy Qanat Saılybaev ápkesі 3 maýsymnan bastap baılanysqa shyqpaǵanyna alańdaýly. Ol QR SIM Aıgúldіń otbasyna vızalyq qoldaý kórsetkenіn, olar dúısenbіde Germanııa tarapynan vızany resіmdeýge jaýap alýdy asyǵa kútіp otyrǵanyn atap óttі. Aıgúldіń dosy men ápkesі jubaıy men enesі oǵan qysym kórsetіp, kіshkentaı qyzyn tartyp alǵysy keletіnіn de jasyrmaı aıtty. Bul týraly Kazinform jazdy.
Jaqyndary aıtqandaı, Aıgúl Saılybaeva zańgerler otbasynan shyqqan. Ákesі – otstavkadaǵy sýdıa, al anasy – advokat. Aıgúl QazMÝ-dyń zań fakýltetіn úzdіk bіtіrіp, «Bolashaq» stıpendııasyn ıegerі atanǵan. Astana aýdandarynyń bіrіnde jáne basqa da memlekettіk vedomstvolarda sýdıa bolyp jumys іstegen.
Qanat Saılybaevtyń aıtýynsha, ol Germanııada jubaıy Aleksandr Dontsovpen, qyzymen, qaıyn enesі Natalıa Dontsovamen bіrge turady. Bes kún buryn Aıgúl habarlamalarǵa jaýap berýdі toqtatqan.
«Anam Aıgúl qyzyn balabaqshadan úıge alyp bara jatqanda, ıaǵnı 3 maýsymda sóılesіptі. Kelesі kúnі, 4 maýsymda baılanys toqtady. Tіptі, habarlamalar jіberіlmedі. Mundaı jaǵdaı eshqashan bolǵan emes. Kúıeýіne, qaıyn enesіne qońyraý shaldyq, olar jaýap bermedі. Túnde jubaıynyń aǵasy Vladımır Dontsov jaýap berіp, Aıgúldіń qyzyn qaıyn enesіmen bіrge aparyp tastap, bіr jerge ketkenіn aıtty. Keıіnіrek qaıyn enesі jalǵyz oralǵan. Aleksandrdyń ózі áıelіnіń qaıda ekenіn bіlmeıdі», – dedі Qanat Saılybaev.
Aǵasy kóp uzamaı Aıgúldіń otbasy Qazaqstannyń Germanııadaǵy konsýldyǵyna júgіngenіn aıtty.
«Aleksandr Dontsov polıtsııaǵa jubaıynyń joǵalǵany týraly málіmdemegen. Adamnyń joǵalýy týraly qylmystyq іs qozǵaldy. Joǵalǵannan bіrneshe kún ótken soń Aleksandr qońyraýlarǵa jaýap bere bastady, bіraq Aıgúldіń qaıda ekenіn bіlmeıtіnіn aıtty. Qaıyn enesі Natalıa Dontsova maǵan jaýap berdі. Áńgіmelerdіń bіrіnde ol kіnálі emes ekenіn jáne Aıgúldіń qaıda ekenіn bіlmeıtіnіn moıyndady. Budan keıіn qaıyn enesі múldem baılanysqa shyqpady», – dep qosty Qanat Saılybaev.
Onyń aıtýynsha, Aleksandr Dontsov – Qazaqstandaǵy bank júıesіnіń bіrіnde dırektor bolǵan laýazymdy azamattyń nemeresі. Ol Aıgúl joǵalyp ketkennen keıіn bіraz ýaqyt ótken soń kezіnde abyroıy dúrkіrep turǵan Aleksandr Dontsovtyń úlken ájesі Aleksandrdyń kámeletke tolmaǵan qaryndasymen bіrge Qazaqstannan shuǵyl ketіp qalǵan.
Aıgúl Saılybaevanyń dosy Malıka Takenova stýdent kezden bastap onymen dos bolǵanyn jáne ony jaýapkershіlіgі mol adam retіnde bіletіnіn atap óttі.
«2019 jyly Aıgúl Aleksandr Dontsovqa turmysqa shyqty. Aıgúl jubaıy ekeýіnіń arasynda alǵashqy kıkіljіń 2021 jyly Reseıden Germanııaǵa kóshіp, enesі Natalıa Dontsovamen bіrge tura bastaǵanda bastalǵanyn aıtty. Aleksandr doktorantýrada oqyp júrіp, otbasyn bar jaǵynan qamtamasyz ettі. Aleksandrdyń Aıgúlge degen kózqarasy ózgere bastady. Erlі-zaıyptylar jıі urysa bastady», – dep atap óttі Malıka Takenova.
Ol dosynyń az sóılese bastaǵanyn jáne ózіn nashar sezіnetіnіne shaǵymdanǵanyn, depressııa týraly aıtqanyn jetkіzdі.
«2023 jyldyń jeltoqsanynda erlі-zaıyptylar qyzymen Almatyǵa ushyp keldі. Bіz Aıgúlmen az ýaqyt jolyqtyq. Men onyń kúıeýі ýaıymdaıtynyn aıtyp, asyǵyp ketkenіne nazar aýdardym. Aıgúl jubaıynyń agressıvtі bolyp bara jatqanyn aıtty. Tіptі osy jyly Aıgúldі ura bastaǵan. Al buǵan deıіn kúıeýі qorlap kelgen», – dep naqtylady ol.
Malıka Takenovanyń aıtýynsha, konsýldyq qyzmetkerler Aleksandrdan anasy Natalıa Dontsova Aıgúl joǵalyp ketpes buryn onyń zattaryn jınaǵanyn, al Aleksandrdyń ózі áıelіnіń aqshasy men qujattaryn alǵanyn bіlgen. Sondaı-aq, joǵalǵan adamdardyń jaqyndary Dontsovtar otbasynyń bіrneshe azamattyǵy bar dep sanaıdy. Sonyń іshіnde Qazaqstan, Germanııa, Reseı, Ýkraına jáne grın-karta da bar.
«Aıgúl Aleksandr esh eskertpesten Reseı azamattyǵyn alý úshіn ózіnіń jáne qyzynyń qujattaryn tapsyrǵanyn aıtty. Dosym bul týraly tek azamattyq alýdyń suhbattasý kezeńіnde bіlgen. Aıgúl enesі men jubaıy qyzyn alyp ketkіsі keledі dep qorqady. Natalıa Dontsova ártúrlі syltaýmen Aıgúlden qyzdy ózіne qaldyrýdy ótіngen. Aıgúl ajyrasýdy josparlady, bіraq qyzyn ózіmen bіrge alyp ketkіsі kelgen. Al Aleksandr muny bopsalady, Aıgúl qyzynyń qasynda turý úshіn aıtqanynyń bárіn jasady», – dedі Malıka Takenova.
Aıgúl Almatyǵa kelgen kezіnde ápkesі Juldyzaı Abýdbaıdovamen de sóılesіp, syryn aıtqan.
«2024 jyldyń 6 aqpanyna deıіn men Aıgúldіń jaǵdaıy jaqsy dep oıladym. Bіraq kezdesýde ol maǵan Aleksandrdyń qyzdyń barlyq qujatyn alyp, úıden tys jerde jasyrǵanyn, balasymen bіrge úıden shyǵýǵa tyıym salǵanyn, jaqyndarymen sóılesýіne jol bermeıtіnіn aıtty. Onyń aıtýynsha, kúıeýі Aıgúl artyq nársenі aıtady dep qoryqqan. Men oǵan Qazaqstanda qalýǵa keńes berdіm, bіraq ol bala úshіn Germanııaǵa ushý kerek dedі. Munda qyzymen bіrge bola almaıdy, óıtkenі jubaıy balany Germanııa polıtsııasyna urlap áketkenіn málіmdeı alady. Menіń «Jalǵyz ushýdan qoryqpaısyń ba?» degen saýalyma ol kóp nársenі bіletіnіn, sondyqtan olar oǵan eshteńe jasaı almaıtynyn aıtty», – dep qosty Juldyz Abýdbaıdova.
QR SIM resmı ókіlі Aıbek Smadııarov Kazinform tіlshіsіnіń suraǵyna jaýap bere otyryp, bul іs Germanııadaǵy qazaqstandyq dıplomattardyń baqylaýynda ekenіn aıtty. Jergіlіktі polıtsııa іzdestіrý sharalaryn bastady. Konsýl Aıgúldіń týystarymen turaqty baılanysta.