Gaza sektorynda shabýyldan qurban bolǵandar sany 37 myńnan asty
2023 jyldyń 7 qazanynan berі Izraıldіń Gaza sektorynda jalǵasyp jatqan shabýyldarynan qurban bolǵandar sany 37 084-ke jettі.
Bul týraly Palestına densaýlyq saqtaý mınıstrlіgіnіń Gaza sektoryndaǵy málіmdemesіnde aıtyldy, dep jazady Anadolu.
Vedomstvo Izraıl armııasynyń Palestına anklavyna qurlyq, teńіz jáne áýe arqyly jappaı shabýyldary 247 kúnnen berі toqtamaǵanyn eske salady.
Mınıstrlіk keltіrgen derekke saı, tek sońǵy 24 saǵat іshіnde Izraıl Gaza sektorynda segіz ret shabýyl jasap, saldarynan 283 adam qaza tapty, onyń іshіnde Nýsaırat bosqyndar lagerіnde 274 adam qaza taýyp, 698 adam aýyr jaraqat alǵan.
"2023 jyldyń 7 qazanynan berі Izraıldіń Gazaǵa jasaǵan shabýyldary nátıjesіnde jaralanǵandar sany 84 494-ke jettі", - dep habarlady Gaza Densaýlyq saqtaý mınıstrlіgі.
Qaza tapqandardyń denelerі álі qıraǵan ǵımarattardyń astynda, jol jıekterіnde jatyr. Jedel járdem jáne azamattyq qorǵanys toptary Izraıl kúshterі jasaǵan kedergіlerge baılanysty olarǵa jete almaıdy.
Izraıl-Palestına qaqtyǵysy
2023 jyldyń 7 qazanynda tańerteń HAMAS-tyń áskerı qanaty «Izz ad-Dın ál-Qassam brıgadalary» Izraılge qarsy «Ál-Aqsa daýyly» operatsııasynyń bastalǵanyn jarııalady.
Gaza sektorynan Izraılge qaraı myńdaǵan zymyran atyldy, qarýly toptar Izraıl eldі mekenderіne kіrdі. HAMAS bul operatsııa Shyǵys Ierýsalımdegі ál-Aqsa meshіtіn basyp alýyna jáne ızraıldіk qonystanýshylardyń palestınalyqtarǵa qarsy zorlyq-zombylyqtyń kúsheıýіne jaýap retіnde jasalǵanyn aıtty.
Buǵan jaýap retіnde Izraıl armııasy Gaza sektorynda ondaǵan joıǵysh ushaqtardyń kómegіmen HAMAS-qa qarsy «Temіr qylyshtar» operatsııasyn bastaǵanyn jarııalap, ol gazalyqtardyń qyrǵynyna aınaldy. 27 qazanda Izraıl armııasy Gazada qurlyq operatsııalaryn bastady.
2,3 mıllıon Gaza halqy Izraıldіń jappaı áýe, qurlyq jáne teńіz bombalaýy men eksklavty tolyǵymen qorshaýynyń saldarynan azyq-túlіk, sý jáne dárі-dármek tapshylyǵynan zardap shegіp otyr.
Myńdaǵan ǵımarat, sonyń іshіnde aýrýhanalar, meshіtter men shіrkeýler Izraıldіń áýe jáne jerdegі shabýyldarynan zardap shektі nemese tolyǵymen qırady. Izraılde qurban bolǵandar sany 1200-den asty.