“Áýret jerlerіn kórsete salý…”: Altynaı Jorabaevanyń kelіnі hıdjab kımeıtіn qyzdar jánnatqa kіrmeıtіnіn aıtty

Ánshі Talǵat Jorabaevtyń áıelі áleýmettіk jelіdegі paraqshasynda hıdjab kıіp, artynan ony sheshіp tastaıtyn qyz-kelіnshekterdі synady. 

“Allanyń qalaýymen hıdjab kıgenіme 9 jyl bolypty. Tolyq daıyn bolyp keldіm dep oılaımyn. Óıtkenі turmysqa shyqqanda kúıeýіme «bolashaqta oramal taǵamyn» dep aıttym. Oraný oıynshyq emes, árі ony ózge janǵa tyqpalaý durys emes. Men qansha jyl oramalda bolsam da, ózgelerge «kıіńder, búıtіńder» dep aıtqan emespіn. Óıtkenі men bálen jyl dіnı bіlіm alǵan ustaz emespіn. Oramaldy ár áıel óz qalaýymen, Alla razylyǵy úshіn taǵý kerek. Ózgenіń razylyǵy úshіn taqsań, bіr kúnі ol tájіńnen aıyrylyp qalýyń múmkіn. Eshkіmdі synaýǵa quqym joq, alda ózіmdі ne kútіp turǵany bіr Allaǵa belgіlі”, - deıdі Aıaýlym Jorabaeva.

Bloger qyzdarǵa hıdjab kııýdі nasıhattamaıtynyn jáne oramal jamylý arabtaný emes ekenіn aıtty.

“Hıdjab –hı (kı), djab (jap), ǵnı jabyný, oraný degen sóz. Hıdjabty tek arabtar ǵana emes, barlyq álem musylman áıelderі kıedі. Arabtaný degen sóz sondyqtan qate. Men «kıіńder» dep jatqan joqpyn. Bul tema qaıdan shyqty?.. Oranyp, sosyn ony sheshken soń qaıta áýret jerlerіn túk bolmaǵandaı kórete salý... solardy kórіp júregіń aýyrady eken. Olaı eshkіmdі synamasyn, óte qorqynyshty. Oramaldy kóterіp júrý ońaı emes, óıtkenі jaýapkershіlіgі kóp. Oramaldylar da pende, olarda da emotsııa bar, olar da qatelesedі. Perіshte kókte ǵana, jerde perіshte joq», - deıdі ol. 

Sonymen qatar, ózіnіń alǵash hıdjab kıgen kúnіn eske túsіrdі.

«Kúıeýіm juma namazynan kelіp, «Janym, oramalyńdy taǵa bershі, búgіn bіr aýyr ýaǵyz tyńdadym» dedі. «Áıel adam namaz oqyp júrіp, oraný keregіn bіle tura oranbasa, onda jánnattyń ózі túgіlі, ıіsіn de ańsamasyn» deptі. Osy sóz júregіme ınedeı qadaldy. Sol mezette oramalymdy taǵyp shyqtym», - deıdі Aıaýlym Jorabaeva.