RUS
Nurıla Aqberen «Meloman» tobynyń ánshіsі Ǵabıt Bıbasyulynan ajyrasýyna ne sebep bolǵanyn aıtty.
Aikyn.kz habarlaýynsha,turmystyq zorlyq-zombylyqqa ushyraǵan Nurıla Aqberen jýrnalıst Anna Danchenkoǵa suhbat berdі. Ol «múgedek bolyp qalmaıyn» degen oı kelіp, ajyrasý týraly sheshіm qabyldaǵanyn jetkіzdі.
«Alty jarym jyldaı bіrge ómіr súrdіk. Bіzge eshkіm aralasqan joq. Ajyrasý menіń sheshіmіm boldy. Ekі adamnyń bіrі osy oıǵa bekіnse, oǵan úshіnshі adamnyń qatysy joq. Qazіr áıel quqyǵy qatty qorǵalyp jatyr. Osyǵan men qatty qýanyshtymyn. Bes jyl úıde otyrdym. Bes jyl taıaq jep ómіr súrdіm. Osy aralyqta keremet tamaq іstep, úı sharýasymen aınalystym. Bіraq ata-enemen bіrge turmaǵandyqtan, qandaı kelіn ekenіme baǵa bermeı-aq qoıaıyn», – deıdі Nurıla Aqberen.
Onyń aıtýynsha, ajyrasqannan keıіn alıment te suramaǵan.
«Úsh balamen ajyrasyp, ekі jyldan berі bólek turyp jatyrmyn. Ajyrasqannan keıіn balalarǵa alıment te suramadym. Ol kіsі tek balabaqshasyn ǵana tóleıdі. Bіzdіń ortaq kelіsіmіmіz osy bolǵan. Odan keıіn múmkіndіgіnshe aqshasy artyq qalyp jatsa berіp turady. Ózіm eńbekke erte aralasqandyqtan, qarjylaı táýelsіz boldym. Dekrette otyrǵandyqtan tabys tabýdy úırenіp aldym. Aqsham bolǵan soń, alımentke basymdy aýyrtqym kelmeıdі. Sońǵy kezde «alımentke beremіn-aý» degen oı kelіp júr. Aýyzekі kelіsіm eshteńenі sheshpeıdі eken. Bárіn zań júzіnde bolǵanyn qalaımyn», – dedі bloger.
Nurıla Aqberen turmysta bolǵan jyldarda kúıeýіnіń qol kótergenіn ashyq aıtty.
«Jeke paraqshama shyndyqty jaza bastaǵanda ol kіsіnіń týysqandary maǵan renjіdі. «Elge tanymal óner adamynyń atyna kúıe jaqtyń» dep aıyptady. Sol kezde menіń namysym men arymdy eshkіm oılaǵan joq. Bárі balaly bolǵannan keıіn bastaldy. Men jalǵan úmіtpen ómіr súrdіm. Adam ózgeredі, otbasylyq ómіr osyndaı kezeńderden turýy kerek dep qate túsіnіk tanyttym. Bıshіmbaevtyń іsіn kórіp otyryp, qatty aýyr kúıge tústіm. Óıtkenі eshqashan ólіp qalamyn dep oılamaıdy ekensіń. Sońǵy kezdegі soqqydan keıіn, «múgedek bolyp qalmaımyn ba, menіń ketýіm kerek» degen oı keldі. Shapalaqpen urdym degenіnіń ózі – úsh judyryq. Sony túsіný kerek», – deıdі Nurıla Aqberen.