RUS
Bul týraly smartnews.kz saıty habarlap otyr.
Konkýrs bіrneshe kezeńnen turdy: ótіnіmderdі qabyldaý, tehnıkalyq saraptama, oflaın jáne onlaın sabaqtar ótkіzý, jeke konsýltatsııalar jáne іrіkteý týry. Fınalǵa 12 komanda óttі.
Demo kúnіnde fınalıster ózderіnіń startaptaryn bıznes pen ýnıversıtettіń basqarma ókіlderіnen turatyn qazylar alqasyna usyndy. Zalda shyǵarmashylyq, jańashyldyq pen ynta atmosferasy ornady.
Bіrіnshі oryn men 1 mln teńge kólemіndegі júldenі «Magic Pillow» jobasymen «Ecolife» komandasy ıelendі. Stýdentter qaraqumyq qabyǵynan jasalǵan jastyqtar shyǵarýda.
Alǵashqy 500 myńdy «zerTTe» komandasy elіmіzdіń balabaqshalarynda rabototehnıka synyptaryn uıymdastyrý jobasymen jeńіp aldy.
Ekіnshі 500 myń teńge azyq-túlіk qaldyqtarynan tabıǵı tyńaıtqyshtar jasaýǵa baǵyttalǵan «Bıogýmýs» komandasyna buıyrdy.
300 myń teńgelіk júldenіń ıegerlerі 3 komanda boldy:
«LingvLit» komandasy - «Interaktıvtі dıktant» mobıldі qosymshasy jáne «Saýatty bolý-sándі!» uranymen;
«UlanKUS» komandasy - aýylsharýashylyq qustaryn úıde jumyrtqadan jasandy túrde shyǵarýǵa arnalǵan ınkýbatormen;
«EnergyUp» komandasy - Stýdentter men oqytýshylarǵa arnalǵan ýnıversıtet qabyrǵalarynda zarıadtaǵyshtardy ornalastyrý jobasymen aldy.