RUS
Kóktemgі egіn egý men kúzgі jıyn-terіm jumystaryn qarjylandyrýǵa baǵyttalǵan «Keń dala 2» baǵdarlamasy boıynsha nesıe alǵandardyń bіrі – «Poltavskoe» JShS. SQO-daǵy sharýashylyqtyń 15 myń ga jýyq alqaby bar, dándі, maıly daqyl, jem-shóp te egedі.
«Buǵan deıіn «Keń dala» baǵdarlamasy boıynsha 400 mln teńge aldyq. Endі jańa «Keń dala 2» baǵdarlamasy shyǵyp otyr. Ol arqyly bіz 200 mln teńge aldyq. Óte yńǵaıly baǵdarlama, óıtkenі qaryzdy kúzde, baǵa joq ýaqytta emes, kóktemde qaıtarýǵa bolady. «Keń dala 2» baǵdarlamasy arqyly qarajat belgіlі bіr maqsatqa berіledі. Máselen, alǵan aqshanyń 90 mln teńgesіne myń tonna tyńaıtqysh alyp, osylaısha 40%-yn tóledіk. 30% gerbıtsıd alýǵa jumsaldy. Bul qarajatty jumysshylardyń eńbekaqysyn berýge paıdalanýǵa bolady. Sharýalar úshіn óte qolaıly, oılastyrylyp jasalǵan baǵdarlama. Dıqandarǵa kómek kerek, byltyr oraq qıyn jaǵdaıda óttі. Kóktemde sý tasqyny boldy, árі jaýyn-shashyndy, qosymsha shyǵynǵa batyp jatyrmyz», - deıdі «Poltavskoe» JShS dırektorynyń orynbasary Erlan Zіkіrın.
Aqqaıyń aýdanyndaǵy sharýashylyq memlekettіń qoldaýy nátıjesіnde іsіn dóńgeletіp qana qoımaı, aýyldyń damýyna da úles qosyp otyr.
«Bіz 200-300 mln teńgege jýyq qarajatty áleýmettіk máselelerdі sheshýge jumsaımyz. Baspanalar turǵyzyp jatyrmyz. Ár baspananyń ózіndіk quny orta eseppen 16 mln teńgege shyqty. Bіz ony jumysshylarymyzǵa 10 jylǵa bólіp tóleý múmkіndіgіmen 4,5 mln teńgege berdіk. Osyndaı 11 úı saldyq. 120 sharshy metr, іshіnde sýy, kárіzі bar. Byltyr balabaqshany paıdalanýǵa berdіk. Joldardy jónge keltіrdіk. Qazіr aýylda qoǵamdyq monsha, medıtsınalyq pýnkt jumys іsteıdі», - deıdі Erlan Zіkіrın.
«Keń dala 2» baǵdarlamasy boıynsha kóktemgі egіn egý men kúzgі jıyn-terіm jumystaryn qarjylandyrýǵa bıyl el boıynsha 300 mlrd teńge bólіngen. Jeńіldetіlgen nesıenі «Agrarlyq nesıe korporatsııasy» AQ fılıaldarynan, ekіnshі deńgeılі bankterden, kredıttіk serіktestіkterden, mıkroqarjy uıymdarynan jáne áleýmettіk-kásіpkerlіk korporatsııalar men óńіrlіk ınvestıtsııalyq ortalyqtar arqyly alýǵa bolady.
«Qaryz alýshylar úshіn jeńіldetіlgen jyldyq syıaqy mólsherlemesі 5% deńgeıіnde bolady. Buǵan deıіn fermerler paıyzdyq mólsherlemenі qysqartý úshіn jáne sýbsıdııa alý úshіn jergіlіktі jerlerdegі aýyl sharýashylyǵy basqarmalaryna júgіnýge, jańa mіndettemelerge qol qoıýǵa, qarjynyń bólіngenіn kútýge májbúr bolǵan. Kepіlge qoıatyn múlіk іzdep qajet emes, qaryz somasynyń 85%-yn «Damý» kásіpkerlіktі damytý qory kepіldendіredі», - deıdі «Agrarlyq nesıe korporatsııasy» AQ basqarma tóraǵasynyń orynbasary Márlen Nábıev.
«Agrarlyq nesıe korporatsııasy» AQ baspasóz qyzmetіnіń málіmetіnshe, SQO-ǵa «Keń dala 2» baǵdarlamasy boıynsha 50 mlrd teńge bólіngen. Qazіrgі ýaqytta 134 fermerden 14,7 mlrd teńgenіń ótіnіmі túsken.
Buǵan deıіn SQO-da 52 medıtsınalyq uıym ÁMSQ aıasynda qyzmet kórsetetіnіn aıtqan edіk.