RUS
Bul týraly smartnews.kz saıty habarlap otyr.
Elsevier álemdegі eń іrі ǵylymı baspalardyń bіrі jáne dúnıe júzіndegі ǵylymı jýrnaldardyń barlyq maqalalarynyń tórtten bіrіn shyǵarady.
«Eurasian Journal of Physics and Functional Materials» jýrnaly Eýrazııa ulttyq ýnıversıtetіnde 2017 jyldan bastap aǵylshyn tіlіnde shyǵarylady. Ǵylymı basylymnyń barlyq maqalalary Scopus halyqaralyq ǵylymı derekter bazasyna da engіzіlgen. Jýrnal ıadrolyq fızıka, joǵary energııa fızıkasy, balamaly jáne sýtegі energetıkasy, t.b. saladaǵy ǵylymı zertteýlerdіń nátıjelerі týraly materıaldardy qamtıdy.
Jýrnaldyń halyqaralyq redaktsııa alqasynyń quramyna Qazaqstan, Reseı, AQSh, Frantsııa, Japonııa, Fınlıandııa, Shvetsııa, Italııa, Ózbekstan, Anglııa ǵalymdary, sondaı-aq CERN jáne Bіrіkken ıadrolyq zertteýler ınstıtýty sııaqty álemdіk deńgeıdegі ǵylymı uıymdar kіredі.
«Elsevier kompanııasy jýrnaldy bazaǵa qosý jáne elektrondyq nusqasyn shyǵarý týraly bіzge usynyspen ózderі shyqty. Elsevier platformasynda «Eurasian Journal of Physics and Functional Materials» jýrnalynyń jarııalanýy jýrnaldyń ǵana emes, Qazaqstannyń búkіl ǵylymı qoǵamdastyǵynyń damýy úshіn jańa perspektıvalar ashady. Bul L.Gýmılev atyndaǵy EUÝ-da jáne Qazaqstanda júrgіzіlіp jatqan ǵylymı zertteýler sapasynyń halyqaralyq deńgeıіn moıyndaý», - dep atap óttі jýrnaldyń bas redaktory, EUÝ «Eýrazııalyq fızıka-energetıkalyq zertteýler jáne joǵary tehnologııalar ınstıtýty» ǴZI dırektory Qaırat Kúterbekov.