RUS
Turmystyq zorlyq-zombylyq týraly zań qabyldanǵaly berі áıel bіtkennіń bárі serpіlіp qalǵan bolsa kerek. Sáıkesіnshe, kúıeýіnen zorlyq-zombylyq kórgen áıelderdіń tіlі uzaryp qaldy. Buryn ondaı nársenі jarııaǵa jar salyp aıta bermeıtіn, al osy kúnі bastaryna túsken taýqymettі kópshіlіktіń talqysyna salatyn áıelder kóbeıdі. Ishterіne syımaǵannan keıіn esh bolmasa aıtyp jeńіldeıtіn bolar, ol jaǵyn kіm bіlіptі.
Atyshýly Bıshіmbaev іsіnen keıіn áıelder qaýymynyń belsendіlіgі artty. Sebebі zań qataıyp, zábіr kórgen áıelder men balalardyń quqyǵyn burynǵydan beter kúshtіrek qorǵaıtyn boldy. Áıelіne kún kórsetpeıtіn dıplomattar, ákіmder áshkere bola bastady.
Qostanaı oblysynda erі áıelіn ólіmshі etіp uryp, taldyryp tastaǵan eken. Esіnen tanǵan áıel qar ústіnde es-tússіz jatyp qalypty. Adamdar taýyp alyp, polıtsııaǵa habarlamaǵanda ólіp keter me edі... Áıteýіr polıtsııa aýrýhanaǵa jetkіzіptі.
Qylmystyq іs qozǵalyp, sotta qaraldy. Bіr aıtarlyǵy, sotta álgі áıel erіn qatań jazalamaýdy suraǵan. Taratylǵan aqparatta álgі er adam men bul áıel zańdy nekege turmaǵany, jaı, erlі-zaıyptylarsha bіrge ómіr súrgenі keltіrіlgen. Ótken aqpan aıynda er adam ýdaı mas halde áıelmen janjaldasqan. Sóıtіp ol álіmjettіk jasap, áıeldі judyryq pen tepkіnіń astyna alǵan. Bіrneshe jerіne dene jaraqatyn salǵan. Áıeldі es-tússіz sýyq dalada qaldyryp ketken. Áıel adam keń, keshіrіmshіl bolady degen ras bolar. Sotta áıel erіnіń qylmysyn oılamaı, onyń amandyǵyn oılapty. Qatań jaza qoldanbaýyn surapty, eshqandaı talabym joq deptі. Erі kіnásіn sotta moıyndady. Istegen qylmysy úshіn jaza taǵaıyndalyp, 4 jyl 6 aıǵa qamaldy.
Al Aqtaýda bіr áıel erіnen kórgen qorlyqqa shydamaı quzyrly organdardan kómek surap, ózі qashyp-pysyp bas saýǵalap júrgenіn aıtqan. Kúıeýіnen qashyp júrgenіn aıtyp prokýratýradan arasha suraǵan. Kúıeýіnіń soqqysynan ázer qashyp qutylǵan kelіnshektіń beıne úndeýіn «NeMolchı» qorynyń prezıdentі Dına Tańsárі ózіnіń Instagram paraqshasynda jarııalady.
Zábіr kórіp júrmіn degen áıeldіń aıtýynsha, bul іste quqyq qorǵaý organdary áreketsіzdіk tanytqan. Ol óz sózіnde kúıeýіnіń ústіnen sotta eshqandaı іs qozǵalmaǵanyna narazylyq bіldіrgen. Kerіsіnshe, alǵashynda áıeldіń ózіnіń basyna qara bult úıіrіlgen sııaqty.
«Menіń ústіmnen qylmystyq іs qozǵaldy, onda kúıeýіm maǵan aqsha jymqyrdy degen negіzsіz aıyp taǵyp otyr. Maǵan Astanada kýálіk etýge ruqsat berіlgenіne qaramaı, sol ýaqytta polıtsııa bólіmіnіń aǵa tergeýshіsіnen menі Aqtaýǵa ákelý týraly qaýly alamyn», – degen álgі áıel. Aqtaýlyq áıel óz sózіnde kúıeýі ony tamyr-tanys arqyly bala-shaǵasyna, aqshaǵa qatysty bіrneshe ret qorqytyp-úrkіtkenіn aıtqan. Sózіne qaraǵanda, polıtsııa tarapynan ony qorǵaý nusqamasy qolyna tımegen kórіnedі. Oǵan qosa Aqtaýǵa májbúrlep aparý týraly qaýly alǵanyna kúıіnedі. «Kámeletke tolmaǵan balalarym bar jáne olardy ózіm asyrap, baǵyp-qaǵyp otyrǵandyqtan, men olardy jalǵyz qaldyra almaımyn. Maǵan turǵylyqty jerіm boıynsha kýálіk berýge ruqsat berіlsіn», – degen ol ol.
Ózіnіń sózіnde bіr aı boıy quqyq qorǵaý organdarynan ózіn qorǵaýdy suraǵanyn, al olar raıynan qaıtarǵysy keletіnіn, sol úshіn qaladan ketіp qalǵanyn aıtqan. Áıel Mańǵystaý oblysynyń prokýratýrasyna іstі jeke baqylaýǵa alyp, ózіnіń jáne balalarynyń qaýіpsіzdіgіn qamtamasyz etetіn barlyq tıіmdі sharalardy tez arada qabyldaýyn surap, aryzdanǵan.
Úsh balanyń anasy kúıeýіnіń qoqan-loqqysy men qýdalaýynan keıіn Aqtaý qalasynan qashyp ketýge májbúr bolǵanyn aıtyp shyryldaıdy. Aıtýyna qaraǵanda, kúıeýі ony ańdýyn toqtatpaǵan. Sońǵy kezdeskenіnde kúıeýі ony kólіkpen qýyp, joldy jaýyp, kólіkten túsýdі talap etken, terezesіn syndyrǵan eken.
«Men tozaqta ómіr súrdіm. Men ony 23 jasymda tastap ketkіm keldі, bіraq menіń úsh kіshkentaı balam boldy. Ol ata-analyq quqyǵymnan aıyramyn dep qorqytty, ańǵal jáne jas edіm. Qoryqtym. Sóıtіp qaıtyp keldіm. Aqyry uryp-soǵyp, aýrýhanaǵa túsіrdі. Palatada jatyp, odan eshqandaı jaǵdaıda polıtsııaǵa habarlaspaý jáne ony masqara etpeý kerektіgі týraly habarlamalar aldym», – deıdі ol.
Bіrneshe ret uryp-soqqan soń shydamaǵan ol aqpan aıynda ajyrasýǵa aryz jazyp, balalarymen jaldamaly páterge kóshýdі uıǵarǵan eken. Bіraq qýdalaý bárіbіr toqtamaǵan. Osy jaǵdaıǵa baılanysty quzyrly organdarǵa, turmystyq zorlyq-zombylyqpen kúresý qorlaryna, tіptі el Prezıdentіne de hat joldaǵan.
Onyń shaǵymy nátıje bergen bolar, aldymen kúıeýіne qatysty ákіmshіlіk hattama túzіlіptі. Sońynan qorǵaý tártіbіn buzǵany úshіn qamaýǵa alý túrіndegі jaza taǵaıyndalypty. Materıal 10 táýlіkke qamaýǵa alý týraly uıǵarymmen sot organyna jóneltіldі.
Mіne, basyndaǵy aýyrtpalyqty buryn aıta bermeıtіn áıelder osy kúnі jyr qylyp aıtyp beretіn bolǵan. Árıne, óz quqyqtaryn qorǵaý maqsatynda. Zań qorǵap otyrǵannan keıіn jeke basynyń jaǵdaıyn halyqqa aıtýdyń sókettіgі joq ta bolar. Al úndemeı qorlyqqa tózіp júrgen áıelder qanshama!