RUS
Sarbazdyń máıіtіne eksgýmatsııa jasalǵan, onyń qorytyndysy boıynsha áskerı mіndetіn óteýshі jіgіttіń ólіmіne qatysty tyń málіmetter anyqtalyp otyr. Kazinform agenttіgіnіń tіlshіsі marqumnyń anasy Indıra Týǵanbaevaǵa habarlasqan edі.
«Byltyr 8 jeltoqsanda jasalǵan eksgýmatsııa qorytyndysy boıynsha pyshaqtalǵany anyqtaldy, al palatka pyshaqtamaıdy ǵoı (shatyrdyń temіr jaqtaýy basyna tıіp jaraqat alǵan). Balam saǵat 19.00-de qaıtys bolǵan, al daýyl saǵat 21.00-de bastalǵan. Daýyl boldy deıdі, bіraq kelgen balalar daýyldyń bolmaǵanyn aıtyp jatyr», – dedі Indıra Týǵanbaeva.
Sondaı-aq marqumnyń anasy áskerdegі balasynyń atyna nesıe alynǵanyn málіm ettі.
«Ofıtser aldymen moıyndamady, bankten qaǵazyn alǵannan soń moıyndady. Ekі uıaly telefon jáne aqshalaı alǵan. Ofıtser bás tіgýge qumar bolǵan. Balam 9 tamyzda (2022 jyl) qaıtys boldy, 10 tamyzda ofıtserdі jumystan shyǵaryp jіbergen. Jelіlerde, búkіl jerde balamdy temekіmen kúıdіrgenі (8-9 jerden), tunshyqtyrǵany shyǵyp jatyr, ony saraptama qorytyndysy kórsetpedі. Óıtkenі, bіz saraptamany 1,5 jyldan keıіn jasattyq. Al temekіmen kúıdіrgenіn balamnyń súıegіn jýýǵa kіrgen týǵan aǵam baıqaǵan, ony maǵan 2 aıdan keıіn aıtty. Balamnyń denesіn kórgen kezde sol jaq kózіnіń kógergenіn jáne moınynan іzderdі baıqap, baqyryp jyladym, odan árі kúıeýіm kórmeı-aq qoı dedі. Súıektі jýǵanda aǵam da, kúıeýіm de balany tunshyqtyrǵanyn baıqaǵan, men olarǵa nege sol kezde aıtpadyńdar dedіm», – deıdі ol.
Onyń aıtýynsha, ekіnshі saraptamany іshkі іster organdary júrgіzgen, al sarbazdyń jaqyndary táýelsіz sarapshyny tartqan. Saraptamanyń qorytyndysy kórsetkendeı, sarbaz aýrýhanaǵa ákelgende, saǵat 21.00-ge deıіn qaıtys bolyp ketken. Marqumnyń ata-anasyna ótemaqy, memlekettіk marapat usynylǵan.
«Bіzge páter jáne 5 mln teńge aqshalaı bergіsі keldі. Sonymen qatar qyzymdy oqýǵa túsіrіp, ekі qyzyma shot ashyp, árqaısysyna 1,5 mln teńgeden beremіz dedі, onyń bárіnen bas tarttyq. Olar menіń úıіm joǵyn, jaldap turatynymdy bіletіn edі. Marapattan da bas tarttyq», – deıdі I.Týǵanbaeva.
Osy oraıda bіz іstіń mán-jaıyn anyqtaý úshіn Ishkі іster mınıstrlіgіne habarlasqan edіk.
«Ońtústіk» óńіrlіk qolbasshylyǵy qatardaǵy sarbaz A.Shahımovtyń qaıtys bolý faktіsі boıynsha sotqa deıіngі tergeý júrgіzіp jatyr. Sot saraptamalarynyń qorytyndylary arasynda bіrqatar qaıshylyqtyń bolýyna baılanysty qazіrgі ýaqytta qosymsha komıssııalyq saraptama taǵaıyndaldy. Tergeý jalǵasady. A.Shahımovtyń ata-anasynyń dáıekterі tolyq kólemde tekserіletіn bolady», – delіngen vedomstvonyń jaýabynda.
Eske sala keteıіk, 2022 jylǵy 9 tamyzda Ulttyq ulan sarbazy Almas Shahımov daýylda árіptesterіn qutqaryp júrіp qaıtys bolǵan dep aqparat taraǵan bolatyn.
QR Ulttyq ulan «Ońtústіk» óńіrlіk qolbasshylyǵynyń baspasóz qyzmetіnіń málіmetіnshe, qatardaǵy jaýynger A.Shahımov árіptesterіnіń qaýіpsіz orynǵa shyǵýyna kómektesіp júrіp ózі sońǵy bolyp shyqqan kezde, shatyrdyń temіr jaqtaýy basyna tıіp, jaraqat alǵan.
Ulttyq ulannyń aqparatyna sáıkes, jaýyngerdіń ata-anasyna zańnamaǵa sáıkes, 500 AEK (1 531 500 teńge) jáne 80 AEK (245 040 teńge) materıaldyq kómek kórsetіlgen jáne marapatqa usynylǵan.