Ońtústіk Koreıa Qazaqstanǵa «aqyldy ferma» tehnologııasyn usynyp otyr
Memleket basshysy Qasym-Jomart Toqaev Qazaqstan-Koreı bıznes forýmynda ekі eldіń aýyl sharýashylyǵyndaǵy baılanysy qalaı órbıtіnіn aıtty.
«Aýyl sharýashylyǵy salasyndaǵy árіptestіktі nyǵaıtý mańyzdy. Qazaqstannyń agroónerkásіp keshenі áýelden qýatty jáne bіzdіń aýylsharýashylyq ónіmder álemnіń 80-nen astam elіne eksporttalady», — dedі Qasym-Jomart Toqaev.
Memleket basshysy Qazaqstan agroónerkásіp keshenіn joǵary tehnologııalyq ındýstrııa retіnde jańǵyrtýǵa nıettі ekenіn atap óttі.
«Búgіngі kelіssóz barysynda Koreıa Respýblıkasynyń Prezıdentі Qazaqstandy „aqyldy aýylsharýashylyq fermalar“ qaǵıdasyna negіzdelgen tehnologııamen qamtamasyz etý jónіnde usynys jasady. Menіń oıymsha, bul — óte jaqsy usynys jáne bіz osy jobany júzege asyrýmen aınalysamyz. Ońtústіk Koreıanyń aýyl sharýashylyǵyndaǵy jasandy zeıіnge, robot tehnıkasy men bıotehnologııaǵa negіzdelgen ınnovatsııalyq tehnologııalaryn engіzýge asa múddelіmіz. Ásіrese tıіmdіlіgі joǵary, „aqyldy“ jylyjaı salý tájіrıbesі bіzdіń fermerlerdіń arasynda suranysqa ıe», — dedі Prezıdent.