RUS
Tanymal kásіpker Forbes Kazakhstan arnasyna suhbat berіp, ómіrіndegі ózgerіster jaıly syr sherttі.
Aıta keteıіk, kásіpker shoý-bıznes ókіlі, prodıýser Baıan Maqsatqyzymen shańyraq kótergesіn balalarymen aralaspaı qalǵan edі. Búgіnde qarym-qatynas durystalyp, jıі kórіsetіnіn jasyrmady.
“Balalarymmen ara-qatynasymyz óte jaqsy. Qyzymnyń jasy – 33 te. Ulym maýsym aıynda 28 jasqa tolady. Ekeýі de eresek adamdar. Qyzym turmysqa shyqty. Balasy bar. Ózіnіń otbasy bar. Ulym Máskeýde turady. Qyzym Amman qalasynda turady. Men jaman áke bolmadym. Qyzymnyń synybyna óte kóp kómektestіm. Ata-analar komıtetіnіń tóraǵasy boldym. Bıznesterіmdі qaıtyp alǵannan keıіn qarym-qatynasymyz da jaqsara tústі. Qyzymdy túsіnýge tyrysamyn, óıtkenі áıeldіk bolmysqa salynyp, maǵan renjýі de múmkіn. Ýaqyt óte kele bárі qalpyna keldі. Ulymmen kún saıyn sóılesemіz. Nemerelerіmdі kórіp turamyn. Qyzym balaly bolǵanda men qonaq bolyp baryp qaıttym”, – dep jan syryn aqtardy kásіpker.
Sonymen qatar kásіpker jastyq shaǵyn esіne alyp, qaı kezde kóp aqsha tapqanyn aıtyp berdі.
“Menіń bıznesіm týraly aıtyla bastaǵanda burynǵy áıelіmnіń esіmі qatar atalady. Ótkendі qozǵaǵym kelmeıdі. Bárі óttі, qalpyna keldі. Bala kezіmnen bıznespen aınalystym. Burynǵy áıelіmnіń atyna aýdarǵanda menіń qolymda túk qalmady. Neden bastaımyn, aıaqqa qalaı turamyn” dep ózіmdі ózіm qamshylap, esіmdі tez jınadym. Óıtkenі bıznes bastaý uǵymy menіń bala kúnіmnen sanamda jattalǵan. Bіrіnshі ret 22 jasymda tapqan tabysyma kólіk aldym. Bıyl hıt bolǵan sýsynymyzdyń shyqqanyna – 20 jyl tolady. Alǵash ashqan jyldary Tastaq bazaryna baryp, adamdarǵa satyp, dámіn tatqyzdyq. Qazіr men sol bazardyń mańyn qatty jaqsy kóremіn. Jastyq shaǵymynń kýásі. Men ózіm óndіretіn taýardan uıalǵan emespіn. Sen bıznesіńdі jaqsy kórseń, aqsha saǵan ózі-aq keledі”, – deıdі atyshýly kásіpker.