RUS
Ǵabıt Bıbasyulynyń burynǵy jubaıy Nurıla Aqbergen jaqynda ǵana Anna Danchenkoǵa suqbat berіp, bes jyl boıy turmystyq zorlyq-zombylyq qurbany bolǵanyn aıtqan edі. Atalǵan jaıttan soń «Melomen» tobynyń múshesі qyzý talqynyń astynda qaldy.
Al búgіn «Melomen» tobynyń múshesі Qaırat Myrzahanov Instagram jelіsіndegі paraqshasynda árіptesі Ǵabıt Bıbasyulyn týǵan kúnіmen quttyqtap, óz pіkіrіn jazdy. Ol jelіnі shýlatqan eks-kelіnіnіń sózіn joqqa shyǵaryp, dosynyń jaqsy tustaryn atap shyqty.
«Ǵabıt jaıly sońǵy áńgіme múlde shyndyqqa janaspaıdy degіm keledі. Ǵabıtteı altyn jіgіttі tıran etіp kórsetіp jatqandardy aıtamyn. «Bas jarylsa bórіk іshіnde» dep, kóbіne elden bastap otbasy jaǵdaıyna aıtylsa kerek. Qazіr zorlyq-zombylyq jaıly zań shyqqannan bastap qanshama áıel oryndy, orynsyz bas kóterіp jatyr. Onyń іshіnde ótіrіk aralasy az emes. Bіraq ol Ǵabıtke múldem qatysy joq. Ǵabıt eshqashan bіzge problemasyn aıtyp kórmegen jáne aıtpaıtyn da jіgіt. Tіptі, ol – bokstan «KMS» bolsa da, ózіn bіrіnshі urǵan jіgіtterdі sabyrǵa shaqyrǵan myqty jіgіt.
Osydan soń qalaı ol tıran bolady? Áıelіnіń jaǵdaıyn menen de, qanshama kórіp júrgen jіgіtterden de jaqsy jasap, aıalap, alaqanda ustap, júregіn adal usynǵan azamat. Ár januıada problema bolatyny sózsіz. Onyń bárі ary qaraı tamyry myqty januıa bolýdy nyǵaıtatyn zat qoı. Erkek ashýlansa, arystannan jaman mіnez shyǵady. Ǵabıttі jerden alyp, jerge salyp jatqan qyzdar, aýyz ózіmdіkі dep, eshnárse bіlmeı jatyp artyq jazýdyń qajetі joq.
Men bіrnárse bіlemіn: Ǵabıt óz áıelіn óte qatty jaqsy kórgen, alaqanda aıalap ustaǵan azamat. Ǵabıttіń bárі іshіnde. Bala-shaǵasyn, ata-anasyn oılap tіs jarmaıdy.Basyńa baq qonsyn, dosym. Bárі ýaqytsha. Eks-haıper kelіnshek ýaqyty kelgende bárіn túsіner. Senі dúnıege ákelgen ata-anań aman júrsіn», - dedі ol.