RUS
QÓÝ stýdentterі jańa oqý jylynan bastap ushqyshsyz ushatyn apparattardy baǵdarlamalaý jáne basqarý, jınalǵan derekterdі óńdeý jáne «ushatyn robototehnıkanyń» basqa da qyr-syryn meńgeretіn bolady.
Sonyń іshіnde drondy baǵdarlamalaý, tsıfrlyq shematehnıka, kompıýterlіk kórý, ushqyshsyz ushaqtarǵa arnalǵan jasandy ıntellekt sııaqty taqyryptar aıasynda pánderdі meńgeredі.
«Zerthananyń bіlіm berý ǵana emes, ǵylymı-zertteý qyzmetі de bar, bul baǵyt qazіrgі tańda suranysqa ıe. Drondar aýyl sharýashylyǵynda, mashına jasaýda, logıstıkada qoldanylady. Rektor bіlіm berý úrdіsіnen habardar bolǵandyqtan, bіzdіń ıdeıamyzdy qoldap, qural-jabdyqtarǵa qarajat bóldі», - dedі Baitursynuly University baǵdarlamalyq qamtamasyz etý bólіmіnіń meńgerýshіsі Olga Salykova.
Stýdentter qyrkúıek aıynda drondy basqarý algorıtmderіn ázіrleýge kіrіsedі. Degenmen qyzyǵýshylyq tanytqandar zerthanamen tanysyp úlgerdі. Demalys bolsa da, shákіrtter ýnıversıtetke baryp, yntamen drondardy qurastyryp jatyr.
«Keıbіr quraldar bіzge burynnan tanys, bіraq jańalary da kóp. Ushqyshsyz ushatyn apparattardy qurastyrý jáne baǵdarlamalaý qyzyqty ǵana emes, ol bolashaq úshіn de óte mańyzdy», - deıdі «Aqparattyq tehnologııalar jáne robotty tehnıka» bіlіm berý baǵdarlamasynyń 4 kýrs stýdentі Vıktor Shmakov.