Jolaqy tólemeıtіn jolaýshylar kórіnіp turady: Jańa kameralar avtobýstarda bıletsіz jolaýshylardy anyqtap otyrady
Astana avtobýstarynda jol aqysyn tólemeıtіnder kórіnіp turady.
SMARTNEWS.KZ basylymynyń habarlaýynsha, "City Transportation Systems" JShS "Astana qalasynyń qoǵamdyq kólіgіndegі beıneanalıtıka júıesі" ınnovatsııalyq jobasyn іske qosady, dep habarlaıdy elorda ákіmdіgіnіń resmı saıty.
Jobanyń maqsaty - jolaýshylarǵa qyzmet kórsetý sapasyn jaqsartý, bıletsіzder sanyn azaıtý jáne qoǵamdyq kólіkterdegі qaýіpsіzdіktі arttyrý.
Jobanyń pılottyq kezeńі aıasynda 2 mamyrda №24 marshrýttyń bіr avtobýsynda naqty ýaqyt rejımіnde derekterdі taldaýǵa múmkіndіk beretіn kameralar, roýterler jáne borttyq kompıýter ornatylǵan. Ár esіkke qarama-qarsy ornalasqan kameralar kіrgen jolaýshylardyń sanyn eseptep, tólem týraly málіmetterdі salystyrady. Bul bıletsіz jolaýshylar sanyn, marshrýttyń ýaqyty men ýchaskelerіn dál anyqtaýǵa múmkіndіk beredі. Sondaı-aq naqty ýaqyttaǵy aqparat CTS kólіktіk baqylaý departamentіne túsedі.
Beınebaqylaý pılottyq jobasy іske qosylǵan sátten bastap bіr avtobýsta júıemen 2 myńnan astam bıletsіz jol júrý jaǵdaıy anyqtaldy. Bul pılottyq joba bolǵandyqtan, jolaýshylarǵa aıyppul salynbaǵan.
CTS-te jobanyń tolyq іske qosylýy men іske asyrylý barysy týraly qosymsha habarlanady.
Material avtory
