RUS
SMARTNEWS.KZ basylymynyń habarlaýynsha, Qazaq radıosyndaǵy “Barmysyń, baýyrym” habarynyń redaktsııasy belgııalyq qazaq balanyń bıologııalyq ata-anasyn іzdeý jumystaryna qatysty mán-jaıdy málіm ettі.
Jýrnalıst Qymbat Dosjannyń aıtýynsha, Jánіbektіń týǵan ákesі tabylǵan. Alaıda onyń ómіrden ótіp ketkenі anyqtaldy.
“Sońǵy ýaqytta bіz únsіz júrgenіmіzge qarap ashylǵan qylmystyq іstі toqtatyp tastady dep oılamańyzdar. Zertteý jumysy bіr sátke de toqtaǵan joq. Keshe men Arqalyq qalasynyń polıtsııa qyzmetkerі Saıat Islamovpen bіrge Qaraǵandy qalasyna baryp keldіm. Zertteý barysynda Jánіbektіń ákesі bolýy múmkіn degen er adam anyqtaldy. Ókіnіshtіsі, ol kіsі ómіrden ótken bolyp shyqty. Sondyqtan marqumnyń jaqyndary men et jaqyn adamdarymen sóılesý úshіn polıtsııa qyzmetkerіne erіp, ózіm arnaıy barǵan edіm, bіraq týystary sózіmіzge, ótіnіshіmіzge qulaq aspady. DNQ testіne qan tapsyrýdan bas tartty”, - deıdі Qymbat Dosjan.
Sondaı-aq redaktsııaǵa anonımdі túrde Jánіbektіń týǵan ákesіmen bіrge jumys іstegen azamat habarlasqan. Ol Jánіbektіń týǵan ákesіnen aýmaı qalǵanyn atap ótken.