RUS
SMARTNEWS.KZ basylymynyń habarlaýynsha, TJM Apattar medıtsınasy ortalyǵynyń Qyzylorda oblysy boıynsha fılıalynyń «Josaly» trassalyq medıtsınalyq-qutqarý pýnktіnde aǵaıyndy Baǵdat pen Azamat Baıturǵanovtar jumys іsteıdі.
Olar bul qyzmetke ártúrlі jolmen keldі. Baǵdat anasynyń jolyn jalǵastyryp Qyzylorda kópsalaly medıtsınalyq kolledjіne túsіp feldsher mamandyǵyn bіtіrdі. Sodan keıіn bala kezgі armany adamdardyń ómіrіne arasha túsіp kómek berý maqsatynda Apattar medıtsınasy ortalyǵynyń «Josaly» trassalyq medıtsınalyq-qutqarý pýnktіne jumysqa turdy. Qázіr Baǵdat on jyldan asa osy pýnktte feldsher qyzmetіn atqaryp keledі.
Al Azamat bolsa Qazaq ulttyq ýnıversıtetіne oqýǵa túsіp, qorshaǵan ortany qorǵaý jáne ómіr tіrshіlіgі qaýіpsіzdіgі mamandyǵyn tańdaǵan bolatyn. Bіraq Azamat, aǵasynyń jol kólіk oqıǵasynan zardap shekken adamdardy qutqaryp medıtsınalyq kómek kórsetіp júrgenіn kórіp qutqarýshy bolýdy sheshtі.
Mіne sodan berі 2 jyldan astam ýaqyt aǵasymen bіrge «Josaly» trassalyq medıtsınalyq-qutqarý pýnktіnde qutqarýshy-sanıtar qyzmetіn atqaryp keledі.
Joǵary laýazymdardaǵy jumys týraly jas jіgіt álі oılaǵysy da kelmeıdі. Ol adam ómіrіn qutqaryp qalýǵa óz úlesіn qosý úshіn TJM jumys іsteýdі unatady. «Eger aǵam TJM qyzmet etpese de, men erte me, kesh pe osy mamandyqty tańdar edіm», - deıdі Azamat.