«Ottyń jalyny kúsh alyp tur»: Roza Álqoja qonaqúıde oqys oqıǵaǵa tap boldy

SMARTNEWS.KZ basylymynyń habarlaýynsha, óner ıesі tańǵy 5-te qonaqúı órtke oranǵanyn aıtty. 

“Tańǵy beste Qaraǵandyǵa jetіp, ylǵı túsetіn qonaqúıge kelsek, tútіndep jatyr eken. “Qyzdar” dep aıqaılap em, qyzdar dereý shyqty. Sodan órt sóndіrýshіlerdі shaqyryp, adamdardy oıatyp ábіger bastalyp kettі. Kómekshіm ıіs shyǵyp jatqan besіnshі bólmenіń baryp esіgіn ashyp kóreıіn dep qoıady. “Joq” dedіm. Myna ıіs ońaı emes, demek ot kádіmgіdeı kúsh alyp tur. Sen ashsań atylýy múmkіn” dep bastym. Resepshndegі qyzǵa “schetchıktі” sóndіrýіn ótіndіk. Órt sóndіrýshіler de kóp uzamaı jettі. Kólіkterdі alǵyzyp, kúzetshі qusap alańdap júrmіz. Dál sol órtengen qabattyń ústіnde búgіn toıy bolatyn ekі jas bar eken. Fotosessııa jasaýǵa kelgen. Tańǵalyp oıanyp, táýbasyn aıtyp jatyr. Naızaǵaı oınap, jańbyr jaýǵanda bólmelerge de áserі tıgen eken… Al men sonyń janynan bólme alǵan em… Kóz aldymyzda órt te, onyń ıіsі de kúsheıіp jatty. Dál osy ýaqytta Qaraǵandyǵa jetkіzіp, sál keshіktіrmeı qonaqúıge kіrgіzіp turǵan qudaı qandaı sheber?! Bіzdі de bіr báleden saqtap tur ǵoı sonda?! Jol júrіp keshe de, búgіn de uıyqtamaǵan adam, júrek tarsyldap, bіraz ýaqytqa deıіn basyla almadyq”, – dep jazdy ánshі.

Jelі qoldanýshylary súıіktі ánshіlerіnіń amandyqtaryn tіlep, meımandardy aman alyp qalǵanyn jarysa jazyp jatyr. 

“Sіz barmaǵanda adamdar tіrі qalar me edі?”, “Qudaı bar tіlegenіńіzdі bersіn!”, “Aýa raıy qolaısyz bolyp, naızaǵaı túsken shyǵar”, “Qaýіp-qaterden saqtasyn!”, – dep jazyp jatyr oqyrman qaýym.