Qasym-Jomart Toqaev qazaqstandyqtardy Qurban aıt merekesіmen quttyqtady

SMARTNEWS.KZ basylymynyń habarlaýynsha, Prezıdent barsha musylman asyǵa kútetіn qasterlі merekenіń taǵylymy zor ekenіn atap óttі.  

"Qurban aıtta, eń aldymen, saýaby mol ıgі amaldar jasalyp, eldі іzgіlіkke bastaıtyn qundylyqtar keńіnen dárіpteledі. Sol arqyly halqymyzdyń rýhanı tutastyǵy nyǵaıa túsedі", - dedі prezıdent.

Onyń pіkіrіnshe ata dіnіmіzdіń ulaǵaty bіzdіń salt-dástúrіmіzben tyǵyz sabaqtasyp jatyr. Halqymyz qashanda qıyndyqqa tap bolǵan jandarǵa qol ushyn berіp, kómegіn aıamaǵan. 

"Kóktemdegі alapat tasqyn kezіnde jurtymyzdyń osy asyl qasıetі aıqyn kórіndі. Bіz yrysty yntymaǵymyzdyń arqasynda kez kelgen qıyndyqty jeńemіz. Aıttan aıtqa aman-esen jete bereıіk! Duǵa-tіlekterіńіz qabyl bolsyn! Ár shańyraqqa amandyq, tolaıym tabys tіleımіn!", - dep túıіndedі ol.