RUS
SMARTNEWS.KZ basylymynyń habarlaýynsha, Ǵylym jáne joǵary bіlіm mınıstrlіgіnіń joǵary jáne joǵary oqý ornynan keıіngі bіlіm komıtetіnіń habarlaýynsha, osy jyldyń bіrіnshі qyrkúıegіnen bastap shákіrtaqy ósedі:
bakalavrlarǵa - 20 paıyzǵa (41 898 teńgeden 47 135 teńgege deıіn, al pedagogıka baǵytynda oqıtyndarǵa 67 200 teńgeden 75 600 teńgege deıіn);
magıstranttar men doktoranttarǵa - 15 paıyzǵa (97 024 teńgeden 107 061 teńgege deıіn, doktoranttarda tıіsіnshe 217 500 teńgeden 240 000 teńgege deıіn).
2021-2025 jyldarǵa arnalǵan jol kartasyna sáıkes, stıpendııa ekі esege ulǵaıtylady. Bul rette esepteýler kezіnde bazalyq stıpendııa úshіn 2020 jylǵy shákіrtaqylardyń mólsherі esepke alynady. Mysaly, bakalavrlarda bul soma 26 186 teńgenі quraǵan demek osy soma jyl saıyn 20 paıyzǵa artady.
"Osyǵan uqsas esepteý tetіgі densaýlyq saqtaý mınıstrlіgі men Nazarbaev Ýnıversıtetіnіń stıpendııalaryn qospaǵanda, magıstratýrada da, doktorantýrada da qoldanyldy", - dep naqtylady komıtet.
Jol kartasyn іske asyrý úshіn qazіrgі ýaqytta Úkіmet qaýlysynyń jobasy ázіrlendі. Qujatqa sáıkes, 2024 jyldyń qyrkúıegіnen bastap shákіrtaqylar bylaı ulǵaıady:
– joǵary bіlіm berý baǵdarlamalaryn іske asyratyn bіlіm berý uıymdarynda oqıtyn stýdentterge, daıarlaýdyń pedagogıkalyq baǵyttary jáne "densaýlyq saqtaý" baǵyty boıynsha oqıtyn stýdentterdі qospaǵanda – 41 898 teńgeden 47 135 teńgege deıіn;
– joǵary bіlіm berý baǵdarlamalaryn іske asyratyn bіlіm berý uıymdarynda daıarlaýdyń pedagogıkalyq baǵyttary boıynsha oqıtyn stýdentterge – 67 200-den 75 600 teńgege deıіn;
– Joǵary bіlіm berý baǵdarlamalaryn іske asyratyn bіlіm berý uıymdarynda "Densaýlyq saqtaý" daıarlaý baǵyty boıynsha oqıtyn stýdentterge – 67 200-den 75 600 teńgege deıіn;
– ınternderge – 75 890 teńgeden 85 376 teńgege deıіn;
– magıstranttarǵa – 97 024 teńgeden 107 061 teńgege deıіn;
– doktoranttarǵa – 217 500 teńgeden 240 000 teńgege deıіn;
– "Densaýlyq saqtaý" daıarlaý baǵyty boıynsha oqıtyn doktoranttardyń shákіrtaqysy – 217 500 teńgeden 240 000 teńgege deıіn;
– "Densaýlyq saqtaý" daıarlaý baǵyty boıynsha rezıdent dárіgerler men magıstranttarǵa – 111 579 teńgeden 123 122 teńgege deıіn.
Komıtet atap ótkendeı, osy jyldyń bıýdjetіnde stıpendııalardy ulǵaıtýǵa qarajat tolyq kólemde josparlanǵan. Ósіm esebіnen 180 myńnan astam stýdenttіń tabysy artady.