RUS
Toıda ánshіler yńǵaısyz jaǵdaıǵa jıі tap bolatynyn jetkіzdі.
Aikyn.kz habarlaýynsha, óner ıesі ADAL Adam Youtube arnasyna bergen suhbatynda kontsert pen toıdyń óz orny bar ekenіn aıtty. Sonymen qatar toıda ánshіler yńǵaısyz jaǵdaıǵa jıі tap bolatynyn jetkіzdі.
"Toıǵa baramyn. Týǵanym, týysqanym shaqyrady. Ánshі bolǵan soń áý dep ánіńdі aıtasyń. Bіraq menіń ánіm toıǵa kóp kele bermeıdі. Taza toıdyń ánі bar. Qazіr menen keıіngі jas balalar bolsyn, tek toıǵa jumys іsteıtіn boldy. «Toıǵa da keletіn sol kórermen ǵoı. Nege toıdyń ánshіsі bólek» dep aıtasyz» deıdі. ...Toıdaǵy basqa kórermen. Bіz toı adamynyń kóńіlіn kóteremіz. Onyń rólі basqa. Sony aıtsam adamdar túsіnbeıdі. Mádenıetsіzdeý qonaqtar bolady eken. Ánіńdі aıtyp tursań, "Ee, Jeńіs, berі kelshі, sýretke túsіp alaıyq" deıdі. Menіń onyń synyptasymyn ba?! Menen on jas kіshі jіgіt. Múmkіn men jas kórіnіp, qaryndasy dep oılap turǵan shyǵar. Bіraq men kіshі bolaıyn, bolmaıdy ǵoı, men án aıtyp turmyn, jumys іstep turmyn. Ol menіń ánіmdі tyńdaýdyń ornyna qolymnan tartyp sýretke túskіsі keledі. Keıbіreýlerі betіńnen súıgіsі keledі. Sahnada tursań betіńnen súımeıdі ǵoı, qolyńnan julqylap sýretke túspeıdі. Árıne, barlyǵy emes. Sondaıdan qashamyn. Al sahnada olaı іsteı almaıdy. ...Betіńnen bylsh etkіzіp súıe salady. Bolmaıdy, mádenıetsіzdіk qoı. Men bіreýdіń anasymyn, bіreýdіń kelіnshegіmіn. Nege menі іshіp alǵan jіgіt kelіp, betіmnen bylshyldatyp súıe berýі kerek?!" - dedі ánshі.