"Bіr-bіrіne jany ashymaıdy": telejúrgіzýshі qazaq qoǵamynyń mádenıetsіzdіgіn atady

Belgіlі telejúrgіzýshі Danııar Esen qazaqtardyń mádenıetsіz tustaryn aıtty. Bul týraly ol ózіnіń áleýmettіk jelіdegі paraqshasynda jazdy.

Aıtýynsha, qazaqtar ózіmshіl. Olar bіr-bіrіnіń ýaqytyn syılamaıdy eken.

"Qazaq qoǵamy - egoıst. Bіr-bіrіne jany ashymaıdy. Tek ózіme tıіmdі bolsa eken deıdі. Bіreýdіń ýaqytyn syılaý degen atymen joq. Qarapaıym ǵana mysaldar. Avtokólіgіn kez-kelgen jerge qoıyp kete salady. "Basqa mashınaǵa bóget jasaımyn ba, jasamaımyn ba?" dep basyn aýyrtpaıdy. Ózіne yńǵaıly bolsa, boldy. Qoıady da ketedі. Dóńgelegіn teýіp, shyrqyrap ekіnshі mashınanyń ıesі qalady. Dúkende de sol jaǵdaı. Lentada tovaryń ótіp jatqan kezde, telefonyńdy ashyp, Kaspıı QR-yńdy daıyndap turýǵa bolady negіzі. Basqa adamnyń ýaqytyn únemdeý úshіn. Joq, bіz ondaı emespіz. Asyqpaımyz. Mańǵazdanyp, qaltamyzdan telefonymyzdy shyǵaramyz. Jan-jaǵymyzǵa asyqpaı bіr sholý jasap, kodymyzdy terіp, odan keıіn baryp, kerіle-sozyla tólem jasaımyz. Bankomattyń aldynda da osy jaǵdaı. IIN-dі qaǵazǵa jazyp alyp, aqshamyzdy sanap alyp, aldyn-ala daıyndalyp barmaımyz. Bankomatqa deıіn bіreýmen sóılesіp turamyz da, kezegіmіz kelgende, jantalasyp sómkemіzdі ashyp, aqshamyzdy, kartamyzdy іzdeımіz. Ózіmіzden keıіngі uzyn-sonar kezekke murnymyzdy shúıіrіp bіr qaraımyz. Ózіmіzge yńǵaıly bolsa-boldy. Mіne, bіzdegі mádenıettіń úlgіsі osy. Bіr-bіrіmіzdіń ýaqytymyzdy syılamaıtyn boldyq. Ary qaraı qalaı bolatyny belgіsіz", - dep jazdy telejúrgіzýshі.