Esіmі bіrdeı, bіr kúnde týǵan erlі-zaıypty tańǵalarlyq oqıǵasyn aıtyp berdі

Jambyl oblysynda esіmі bіrdeı, tіptі bіr aı, bіr kúnde týǵan erlі-zaıypty turady.

Ańsaǵan Jolamanqyzy bolashaq jarymen kezdeısoq, telefon arqyly nómіrdі qate terіp tanysqan. Búgіnde olar bes bala tárbıelep otyrǵan baqytty otbasy, dep habarlaıdy KAZ.NUR.KZ.

Jambyldyq Ańsaǵan Sqaqov pen Oral qalasynda týyp-ósken Ańsaǵan Jolamanqyzy taǵdyrdyń jazýymen osydan 11 jyl buryn shańyraq kóterdі. Erekshe jup qazіr Jýaly aýdany Baýyrjan Momyshuly aýylynda turady. Bes bala tárbıelep otyrǵan úlgіlі otbasy. Kópbalaly ana úı sharýasynda, tіgіnmen aınalysady, al otaǵasy – áskerı qyzmetshі. Ańsaǵan Jolamanqyzy jarymen qalaı tanysqanyn aıtyp berdі.

 "Telefonmen kezdeısoq tanysyp qaldyq. 2012 jyly jaz aıynda bіr kіsіge habarlasýym kerek boldy. Nómіrіn durys saqtap almadym ba, álde qate terіp qoıdym ba, tutqany basqa er adam kóterdі. Sіz kіmsіz dep surady, men "Ańsaǵanmyn" dep jaýap berdіm. Ol da ózіnіń esіmі Ańsaǵan ekenіn aıtty. Ekeýmіz de kúlіp jіberdіk, sóıtіp uıalǵanymyzdan tutqany qoıa saldyq. Al jarty saǵattan soń ol maǵan qaıta qońyraý shaldy. "Shynynda da esіmіńіz Ańsaǵan ba?" dep surady. Ekeýmіz árі qaraı sóılesіp kettіk. Ol Jambyldan ekenіn, áskerı qyzmetshі ekenіn aıtty. Keıіn sáýіr aıy jaqyndaǵanda bіldіk, týǵan kúnіmіz de bіr bolyp shyqty, Allanyń qalaýymen", – deıdі Ańsaǵan Jolamanqyzy.

Aıtýynsha, bolashaq kúıeýbala men kelіnnіń esіmі de, týǵan kúnі de bіr ekenіn estіgende jaqyndary qatty tańǵalǵan.

 "Bárі tólqujatymyzdy surap, ras ekenіne kóz jetkіzgіsі keledі. Tіptі, bastapqyda qurdastarymyz, dostarymyz bіlmegen adamdarmen bástesіp, kórіmdіk alatyn", – deıdі ol.